لە ساڵیادى جینۆسایدی ئێزدییەکاندا لە سلێمانی خولەکێک هاتوچۆ وەستێنرا

سلێمانی

لە چوارچێوەی دەربڕینی هاوخەمییەکان بۆ گەلی ئێزدی هەروەها بەپێی بڕیارى سەرۆک وەزیرانی عێراق، لە تەواوی پارێزگاکانی عێراقدا، بۆ ماوەی خولەکێک هاتوچۆکردن وەستێنرا، هەروەها، لە پارێزگای سلێمانی لە زۆرینەی ترافیک و ڕێگا جووت سایدەکاندا، تەواوی هاوڵاتییان و شۆفێران خولەکێک بە بێدەنگی وەستان.

ئەمڕۆ، لە سنووری پارێزگای سلێمانی لە دەیەمین ساڵیادى کۆمەڵکوژیی و جینۆسایدی گەلی شنگال لەلایەن چەتەکانى داعشەوە، هاوڵاتییان و شۆفێران بە مەبەستی دەربڕینی هاوخەمیی خولەکێک بە بێدەنگی وەستان.

هەڤاڵ ئەبوبەکر، پارێزگاری ماوەبەسەرچووى سلێمانی، ڕایگەیاند، سەرکۆنەی ئەو تاوانانە دەکەین کە بەرانبەر بە تەواوی مرۆڤایەتی کرا لە ناوچەی شنگال و هیوادارین چیتر تاوانی لەو جۆرە دووبارە نەبێتەوە.

هەروەها لە تەواوی پارێزگای سلێمانی و دامودەزگاکان و ڕێگا سەرەکییەکان، بۆ دەربڕینی هاوسۆزی و هاوخەمیی بۆ گەلی ئێزدیی هاتوچۆ بۆ ماوەی خولەکێک ڕاگیرا

 ئەوەش لەکاتێکدایە، ١٠ ساڵ پێش ئێستا چەتەکانى داعش هێرشیان کردە سەر شنگال و دەوروبەرى بەهۆیەوە هەزاران کەس کۆمەڵکوژکران و سەدان هەزارى دیکەش ئاوارەبوون.

ئ.م