سێ وڵات هۆشدارییان دا بە هاوڵاتیانیان دەستبەجێ لوبنان به‌جێبهێڵن

ناوەندی هەواڵەکان

لەگەڵ زیادبوونی مەترسییەکانی درووسبوونی شەڕی گەورە لە ڕۆژهەڵاتی ناوەڕاست، وڵاتانی ئه‌مریكا، بەریتانیا و ئەڵمانیا، ئەمڕۆ هۆشدارییان دا بە هاوڵاتیانیان، بۆ ئەوەی دەستبەجێ لوبنان بەجێبهێڵن.

ویلایەتە یەكگرتوەكانی ئەمریكا ئەمڕۆ شەمە داوای لە هاوڵاتییانی کرد بەپەلە هەر بلیتێک کە بەردەستە بەدەستی بهێنن و لوبنان بەجێبهێڵن، بەهۆی مەترسییەکانی ڕوودانی پێكدادانی سەخت لە ڕۆژهەڵاتی ناوەڕاست بەهۆی فراوانبوونی جەنگی غەزەوە.

هاوكات حكومەتی بەریتانیا هۆشدارییەکی هاوشێوەی ئەمریكای دا بە هاوڵاتییانی و ڕایگەیاند، “پێویستە هەر ئێستا بڕۆن و بەپەلە لوبنان بەجێبهێڵن”.

لەلایەكی دیكەوە ئەڵمانیا بە هاوڵاتییانی وڵاتەکەی ڕاگەیاندووە، “بەپەلە لوبنان بەجێبهێڵن، چونکە ئەگەری هەیە بەم نزیکانە گەشتە ئاسمانییەکان بۆ لوبنان لە فڕۆکەخانەی بەیروتەوە ڕابگیرێن.”
ب.گ