لە سەرەتای جەنگی غەزەوە ١٠ هەزار سەربازی ئیسرائیلی کوژراون و برینداربوون

ناوەندی هەواڵەکان

لە سەرەتای جەنگی غەزەوە ١٠ هەزار سەربازی ئیسرائیلی کوژراون و برینداربوون و ئاماری جیاوازیش لەسەر ژمارەی کوژراوانى سوپای ئیسرائیل بڵاودەکرێنەوە.

بەپێی زانیاری ڕۆژنامە ئیسرائیلییەکان، لە سەرەتای جەنگی نێوان ئیسرائیل و حەماسەوە لە کەرتی غەزە تا ئێستا ١٠ هەزار هەزار سەربازی ئیسرائیلی کوژراون و برینداربوون.

ڕۆژنامەی یەدیعۆت ئەحرۆنۆتی ئیسرائیلی  ئاماری سەربازە کوژراو و بریندارەکانی وڵاتەکەی لە سەرەتای جەنگی نێوان وڵاتەکەی و حەماسەوە لە کەرتی غەزە ئاشکرا دەکات.

لە ئاماری ئەو ڕۆژنامەیەدا هاتووە، لە سەرەتای جەنگی نێوان ئیسرائیل و حەماسەوە لە کەرتی غەزە تا ئێستا ١٠ هەزار هەزار سەربازی ئیسرائیلی کوژراون و برینداربوون.

باسی لەوەشکرد، مانگانە نزیکەی هەزار سەرباز پەیوەندی بە ڕیزەکانی ئیسرائیلەوە دەکەن بە مەبەستی چاکسازی و پڕکردنەوەی سوپای ئیسرائیل.

هەروەها بەپشت بەست بە زانیارییەکانی دەستەی پەخشی ئیسرائیلی، لەو ژمارەیە زیاتر لە ٧٠٠ سەربازی ئیسرائیلی کوژراون و زیاتر لە نۆ هەزاریشیان بریندارن.

لە کۆتایشدا یەدیعۆت ئەحرۆنۆت ئاماژەی بەوەشداوە، کە لەناو  سوپای ئیسرائیلدا ناڕەزایەتیەکی زۆر هەیە بەهۆی ئەوەی پەرلەمانی ئەو وڵاتە چووتە پشووی یاسادانانەوە و بەبێ ئەوەی هەمواری یاسای درێژکردنەوەی سەربازی بکات، کە نێوان دوو ساڵ هەشت مانگەوە بۆ سێ ساڵدایە.

ڕ.ش