سەرکردەیەکی دیکەى حەماس لە بۆردوومانەکانى ئیسرائیلدا کوژرا

ناوەندی هەواڵەکان
سوپای ئیسرائیل كوژرانی”عەبدولفەتاح ئەلزریعی” کە فەرماندەیەكی دیاری بزووتنەوەی حەمـاس وەزیری ئابووری بزوتنەوەکە بوو ڕاگەیاند.

سوپای ئیسرائیل ڕاگەیەندراوێکی سەبارەت بە بەردەوامی هێرشە ئاسمانییەکانیان بۆسەر سەرکردەکانى حەماس بڵاویکردەوە.

لە ڕاگەیەندراوەکەدا سوپای ئیسرائیل ئاشکرای کردوە، ڕۆژی یەك شەممە عەبدولفەتاح ئەلزریعی سەرکردەی دیاری حەماسیان كوشتتووە.

سوپای ئیسرائیل، عەبدولفەتاح زریعی، بە فەرماندەی بەشی پیشەسازیی و وەزیری ئابووری بزوتنەوە فەلەستینییەکە ناوبردووە.

هاوکات، نووسینگەی ڕاگەیاندنی حكومەتی غـەزەش بڵاویكردەوە، کە ئەلزریعی و دایكی، دوای بۆردومانكردنی ماڵەكەیان لە شاری دێر ئەلبەلح لە ناوەڕاستی كەرتی غـەزە كوژران.

ماوەیەکە سوپای ئیسرائیل هێرشەکانى بۆ سەر سەرکردەکانى حەماس چڕکردوەتەوە و لەدوای کوشتنى ئیسماعیل هەنیە ژمارەیەک سەرکردەی دیکەى حەماس لەلایەن ئیسرائیلەوە کراونەتە ئامانج.

هـ.ح