ڕێبوار تەها پارێزگاری نوێی کەرکووک کێیە؟
ناوەندی هەواڵەکان
پارێزگاری نوێی کەرکووک ڕێبوار تەها مستەفا، خاوەنی بڕوانامەی بەکالۆریۆسی پەروەردەی زمانی ئینگلیزی و بەکالۆریۆس یاسا و بڕوانامەی دبلۆمە، له كارگێڕى و ياسا لە پەیمانگای تەکنیکی کەرکووک.
ساڵی ١٩٨١ لە گەڕەکی ئازادیی شاری کەرکووک لە دایکبووە، خوێندنی سەرەتایی و ناوەندیی و ئامادەیی لە کەرکووک تەواو كردووە.
خاوەنی بڕوانامەی بەکالۆریۆسی پەروەردەی زمانی ئینگلیزی و بەکالۆریۆس یاسا و بڕوانامەی دبلۆمە له كارگێڕى و ياسا لە پەیمانگای تەکنیکی کەرکووک.
ساڵی ٢٠١٤ بۆ جاری یەکەم بووە بە ئەندامی ئەنجوومەنی نوێنەرانی عیراق و ئەندامی لیژنەی دەستپاکی بووە، لەسەر فراکسیۆنی یەنەکە.
لە ساڵی ٢٠١٨ وەک سەرۆکی لیستی یەنەکە بووە بە ئەندامی ئەنجوومەنی نوێنەرانی عیراق، بۆ جاری دووەم و جێگری سەرۆکی لیژنەی نەوت و وزە بووە.
هەروەها جێگری نووسینەوەی پەیڕەوی ناوخۆی پەرلەمانی عێراق بووە.
لە کۆنگرەکانى چوارەم و پێنجەمی یەنەکە، وەک ئەندامی ئەنجوومەنى سەرکردایەتی یەکێتیی نیشتمانیی کوردستان-یەنەکە، هەڵبژێردراوە.
لە ساڵی ٢٠٢٣ وەک سەرۆکی هاوپەیمانی کەرکووک هێز و ئیرادەمانە، بەشداری هەڵبژاردنی کرد و بوو بە ئەندامی ئەنجوومەنی پارێزگای کەرکووک.
ئەمشەو نۆ ئەندامی ئەنجوومەنی پارێزگای کەرکووک، کە پێکهاتوون لە پێنج ئەندامانی یەنەکە، ئەندامێکی کریستیان و سێ ئەندامی عەرەب، کۆبوونەوەیان ئەنجام دا لەبارەی دیاریکردنی پارێزگاری کەرکووک، تێیدا ڕێبوار تەها کاندیدی یەنەکە کرا بە پارێزگاری کەرکووک.
ب.گ
Comments are closed.