ئیسرائیل بۆردوومانی باشووری لوبنانی کرد

ناوەندی هەواڵەکان

ئەمڕۆ سوپای ئیسرائیل بە فڕۆکەی بێفڕۆکەوان ژمارەیەک شارۆچکەی لە باشووری لوبنان بۆردوومان کرد و قوربانی لێ کەوتەوە.

لە بارەی بۆردوومانەکەوە، ئاژانسی نیشتیمانی لوبنان بڵاوى کردەوە، سوپای ئیسرائیل بە فرۆکەی بێفرۆکەوان، ناوچەی تل نەهاسی سەر با شارۆچەکەی کەفرکەلا، شارۆچکەی سدقین، کەفرا و ئیتای لە باشووری لوبنان بۆردوومان کرد.

هەروەها بە گوێرەی زانیارییەکانی سکای نیوز، لە هێرشەکەی ئیسرائیل بۆسەر شارۆچەکەی کەفرا لە باشووری لوبنان ئەندامێکی حزبوڵای لوبنانی کوژراوە.

جێگای ئاماژەیە، تادێت هێرشی حزبوڵای لوبنان و سوپای ئیسرائیل بۆ سەر یەكتر زیاتر دەبێت، حزبوڵا ناو بەناو لە ڕێگەی مووشەك و فڕۆكەی بێفڕۆكەوانەوە هێرش دەكاتە سەر ناوچە سنوورییەكانی ئیسرائیل، بە پێچەوانەشەوە سوپا ئیسرائیل لە ڕێگەی فڕۆكەی بێفڕۆكەوانەوە بەرپرسان و سەركردەكانی حزبوڵا لە ناو خاكی لوبنان بە ئامانج دەكات.

ب. جـ