شەهیدانی پێشەنگی پەکەکە لە ئیستەنبووڵ یاد کرانەوە
ناوەندی هەواڵەکان
لە چەندین ناوچەی ئیستەنبووڵ یادی هەردوو کادری پێشەنگی پەکەکە شەهید عەلی حەیدەر قەیتان و ڕەزا ئاڵتوون کرایەوە و پەیامی “بەردەوامیدان لەسەر ڕێگەی شەهیدان” دووپات کرایەوە.
لە ئیستەنبووڵ مەڕاسیمی یادکردنەوەی هەردوو کادری پێشەنگی پەکەکە شەهید عەلی حەیدەر قەیتان و ڕەزا ئاڵتوون بەردەوامە. بە دەیان کەس بەشداری یادکردنەوەکان بوون کە لە گەڕەکەکانی سەنجەقتەپە، ئەسیورت، باگجلار و گازی‌عوسمان‌پاشای ئیستەنبووڵ ئەنجام دران.
لە مەراسیمەکاندا وێنەی هەردوو شەهید دانران، بەشداربووان بە دانانی گوڵ دڵسۆزی خۆیان بۆ تێکۆشانی شەهیدان دەربڕی.
لە یادکردنەوەکاندا باس لە ڕۆڵ و کاریگەری هەردوو شەهید کرا لە بزاوتی ڕزگاریخوازی کوردستاندا، هەروەها بەڵێنی بەردەوامیدان لەسەر ڕی و ڕێبازی ئامانجی شەهیدان دووپاتکرایەوە.
لە یادکردنەوەکاندا سینەڤیزیۆنێک لەسەر ژیانی پڕ لە خەبات و قوربانیدانی هەردوو شەهید نمایش کرا، یادکرانەوەکان بە درێژای ڕۆژەکە بەردەوام بوو.
ب.گ
Comments are closed.