نرخی نەوت بەرزترین ئاستی لە دوو مانگی ڕابردوودا تۆماركرد

ناوەندی هەواڵەكان

لە بازاڕەکانی جیهاندا، لە ئێستادا نرخی بەرمیلێک نەوتی برێنت بە ٦٩ دۆلار و هەشت سەنتە و نرخی بەرمیلێک نەوتى خاوى ئەمریکاش بە ٦٧ دۆلار و ٤٥ سەنت مامەڵەى پێوە دەکرێت و بەوەش بەپێى بۆرسەى جیهانى نرخى نەوت بەراورد بە ڕۆژى ڕابردوو بە بڕی سێ دۆلار بەرزبوەوە.

میدیاكانی جیهان لەبارەی بەرزبونەوەی نرخی نەوت و هۆكارەكەی بەمجۆرە زانیاری دەخەنەڕوو.

میدیا جیهانیەكان بڵاویان كردەوە، بەهۆی گرژییەکانی رۆژهەڵاتی ناوەڕاست و لێدوانەکانی بەرپرسانی ئەمریکا و ئێران نرخی نەوت گەیشتە بەرزترین ئاست لە ماوەی دوو مانگی رابردوودا.

دەشڵێن، لە ئێستادا نرخی بەرمیلێک نەوتی برێنت بە ٦٩ دۆلار و هەشت سەنتە و نرخی بەرمیلێک نەوتى خاوى ئەمریکاش بە ٦٧ دۆلار و ٤٥ سەنت مامەڵەى پێوە دەکرێت و بەوەش بەپێى بۆرسەى جیهانى نرخى نەوت بەراورد بە ڕۆژى ڕابردوو بە بڕی سێ دۆلار بەرزبوەوە.

هاوكات، دوێنێ ئێران هەڕەشەی ئەوەی کرد، لە ئەگەری هەر هێرشێکدا بۆسەر وڵاتەكەیان وەڵامی توندیان دەبێت و لە دۆخی پێویستدا هێزەکانی ئەمریکا ناچار بە کشانەوە لە عێراق دەکەن.

هەروەها، دوێنێ ئەمریكا چەند دیبلۆماتکارێک و ئەفسەرێکی سەربازی خۆی لە رۆژهەڵاتی ناوەڕاست کشاندەوە.

ئ.م