ئێران جارێکیتر ئیسرائیلی مووشەکباران کرد

ناوەندی هەواڵەکان

ئێستا ئێران زنجیرەیەک مووشەکی دیکەی ئاڕاستەی ئیسرائیل کرد و دەیان مووشەک لە ئاسمانی قودس دەبیندرێن، کە بەشێکیان لەلایەن سیستمی بەرگرییەوە هەر لە ئاسمان دەتەقێندرێنەوە.

کەمێک پێش ئێستا، میدیای فەرمی ئێران، گەڕێکی نوێی ئۆپەراسیۆنی ئاسمانیی، لە دژی ئیسرائیل ڕاگەیاند و ئاڕاستەکردنی دەیان مووشەکی لە چوارچێوەی هێرشی بەرپەرچدانەوەی وڵاتەکەی لە دوێنێ شەوەوە، بۆ ئاسمانی ئیسرائیل پشتڕاست کردەوە.

لە ڕاگەیاندراوەکەدا هاتووە، سوپای ئێران ئەمشەو لە ڕێگەی موشەکی بالیستیکی و فڕۆكەی بێفڕۆكەوانەوە، زنجیرەیەك هێرشی نوێی بۆ سەر ئیسرائیل دەست پێ كردووە.

ئاماژەی بەوەش كرد، دەیان مووشەكی بالیستیكی لە شارەكانی ئەسفەهان و شیرازی ئێرانەوە ئاڕاستەی ئیسرائیل كراوە،

لای خۆیەوە سوپای ئیسرائیل، هێرشەکەی ئێرانی پشتڕاست كردەوە و داوای لە هاوڵاتییانی وڵاتەكەی كرد، كە ڕوو لە پەناگەكان بكەن و لەوێ بمێننەوە تا ئاگادار دەكرێنەوە، میدیاكانی ئیسرائیلیش بڵاویان كردەوە، زەنگی ئاگاداركردنەوە لە شارەكانی حەیفا و تەلئەبیبی پایتەختی ئیسرائیل لێدراوە.

ب.گ