ئێران کوژرانی سەرۆکی دەزگای ئیتڵاعاتی پشتڕاست کردەوە
ناوەندی هەواڵەکان
میدیای فەرمیی ئێران کوژرانی سەرۆکی ئیتڵاعاتی سوپای پاسداران و جێگرەکەی پشتڕاست کردەوە.
ئێوارەی ئەمڕۆ یەکشەمە، ئاژانسی فەرمی ئێران (تەسنیم) و ئاژانسی ئیسنای ئێران، هەواڵی کوژرانی محەمەد کازمی، سەرۆکی ئیتڵاعاتی سوپای پاسداران و حەسەن موحەقیقی جێگری و فەرماندە موحسین باقری لەلایەن ئیسرائیلەوە ڕاگەیاند.
هاوکات بنیامین نەتەنیاهوو، سەرۆکوەزیرانی ئیسرائیل ڕایگەیاند، سوپای وڵاتەکەی عەمید محەمەد کازمی، بەرپرسی هەواڵگریی سوپای پاسدارانی ئێران و جێگرەکەی، جەنەڕاڵ حەسەن موحەقیقی کوشتووە.
سەرۆکوەزیرانی ئیسرائیل لەوبارەیەوە رایگەیاند، “دەتوانم پێتان بڵێم کە ئێمە بەرپرسی هەواڵگرییەکەیان و جێگرەکەیمان لە تاران کوشتووە.”
هەروەها نەتەنیاهوو ئاماژەی بەوەکرد، دەکرێت ئەنجامی هێرشە سەربازییەکانی ئیسرائیل بۆ سەر ئەو وڵاتە، گۆڕینی دەسەڵات بێت و وتیشی: “ئیسرائیل هەرچی پێویست بێت دەیکات بۆ لەناوبردنی ئەو هەڕەشانەی لەسەری بوون کە لەلایەن تارانەوە درووستکراون.”
ب.گ
Comments are closed.