داهاتی هەفتەی ڕابردووی سلێمانی زیاتر لە شەش ملیار دینار بووە

ناوەندی هەواڵەكان

ماڵپەری شەفافییەت داهاتی هەفتەی ڕابردووی سلێمانی بڵاوکردەوە، کە کۆی گشتیی داهاتەکە شەش ملیار و ٧٤٣ ملیۆن و ٣٤٦ هەزار و ٩٤٥ دینارە.

ماڵپەڕی شەفافییەت داهاتی هەفتەی ڕابردووی سلێمانی بڵاوكردەوە، بەپێی ڕاگەیەندراوەكە كۆی گشتی داهاتی سلێمانی، هەڵەبجە، گەرمیان و ڕاپەرین لە هەفتەی ڕابردوودا شەش ملیار و ٧٤٣ ملیۆن و ٣٤٦ هەزار و ٩٤٥ دینار بووە.

ئاماژە بەوەشکراوە، زۆرینەی داهاتی هەفتەی ڕابردوو بەشێوەی نەختینەیی بووە بە ڕێژەی لە ٧٥%.

جێگای ئاماژەیە، ڕۆژی ١٥ـی كانوونی یەكەمی ٢٠٢٢ لە سنووری پارێزگای سلێمانی و هەڵەبجە، پڕۆژەی شەفافییەت لە داهات و خەرجی كەوتە كار و لە ئێستادا هاوڵاتییان دەتوانن لەڕێگەی ماڵپەڕی شەفافییەتەوە ئاگاداری داهاتی ڕۆژانەی سلێمانی، هەڵەبجە و ئیدارەكانی گەرمیان و ڕاپەڕین بن.

ئ.م

ئ.م