شیعەکانی دەشتی نەینەوا یادی عاشوورایان بەرز ڕاگرت
ناوەندی هەواڵەکان
شیعەکانی دەشتی نەینەوا لە ناوەندی شنگال، بە مەڕاسیمێک یادی عاشوورایان بەرز ڕاگرت و ئیمامی حوسەین و ٧٢ هاوڕێکەی، کە لە کەربەلادا کوژران، بەبیرهێنرانەوە.
لەگەڵ هاتنی مانگی موحەڕڕەم، شیعەکانی دەشتی نەینەوا لە شنگال، هاوشانی شوێنەکانی دیکە، دەستیان بە ڕێوڕەسمی یادکردنەوەی عاشورا کرد و ماتەمینییان بۆ ئیمام حوسێن و ٧٢ هاوڕێی گێڕا.
مەڕاسیمە جەماوەرییەکە، لە ناوەندی شنگالەوە دەستی پێ کرد و بە ڕێپێوان بەرەو مەزارگەی ستیا زەینەب لەسەر گردی شارەکە، بە درووشم و چالاکی جیاوازەوە ڕۆشتن.
مەڕاسیمی عاشوورا ساڵانە لە سەرەتای مانگی موحەڕەمەوە دەست پێ دەکات و تاوەکو ١٣ـی موحەڕەم بەردەوام دەبێت، تێیدا، گەورە و بچووک جلی ڕەش دەپۆشن و بە شێوازی جیاواز ماتەمینی بۆ ئیمام حوسێن دەگێڕن.
هەروەها یەکێک لە دیارترین دیمەنەکانی ئەم یادە، دانانی “مەوکبە”کانە، کە تێیدا خواردن و خواردنەوە بەبێ بەرامبەر پێشکەش بە بەشداربووان و ڕێبواران دەکرێت.
ب.گ
Comments are closed.