ROJEVA 19.11.2023

NAVENDA NÛÇEYAN

-26 rojin ti agahî ji rojnamevan Silêman Ehmed nayê girtin.

-Mamosta û karmend wê dakevin qadan.

-7. Festîvala Navnetewî ya Şanoya Şeqam wê li Kerkûkê destpê bike. (14:00)

-Li seranserê Iraqê propagandaya ji bo hilbijartinên encûmenên parêzgehan dewam dikin.

-Li bazara herêmê her ku diçe nirxê kel û pelan biha dibe. Dolar jî roj bi roj li beramberî dînarê Iraqê bilind dibe.

-Li Herêma Kurdistanê werza zivistanê ye, lê heya niha gelek cihan hikumetê neft belav nekiriye.

– Ji bilî piştgirîkirina komên terorîst, bikaranîna çekên qedexekirî yên kîmyayî, dagîrkirina beşek ji axa Rojavayê Kurdistanê û qetilkirina bi dehan zarokên Kurd, Erdogan sûcên xwe nabîne û ji bo Hemasê rondikên xapînok dibarîne.

– Birîndarên çekên kîmyawî yên Helebce ji ber nayên dermankirin, rojane êşa birînên xwe dikêşin. Hikûmeta Herêma Kurdistanê wek pêwîst li rewşa birîndarên kîmyabaranê napirse û alîkariya wan nake. Rêveberê Nexweşxaneya Kîmyabarana Helebce jî got, ew hemû cûre tedawiyek ji bo birîndaran dikin, lê hinek birîndar hene ti çareseriyek wan li Herêma Kurdistanê nîne.

– Serokê Rêxistina Peyamnêrên Kurdistanê Hozan Qadir derbarê revandina rojnamevan Silêman Ehmed de got; “Binçavkirina Silêman Ehmed tê wateyê ku li Herêma Kurdistanê karê rojnamevaniyê di qonaxek metirsîdar deye.”