Brîtanya: Me balafirên xwe ber bi herêmê ve araste kirin

NAVENDA NÛÇEYAN

Serokwezîrê Brîtanyayê Keir Starmer ragihand ku wan biryar dane ku ji ber rageşiya di navbera Îsraîl û Îranê de hêzên leşkerî bişînin Rojhilata Navîn.

Serokwezîrê Brîtanyayê Keir Starmer ragihand ku piştî zêdebûna rageşiya di navbera Îsraîl û Îranê de, wan biryar dane ku hêzên leşkerî bişînin Rojhilata Navîn. Starmer, ku ji bo beşdarbûna civîna bilind a G7 ya li Kanadayê çûbû Kanadayê, ji rojnamevanan re got, “Em hin ji çekên xwe kû di nav de balafirên şer jî hene, ber bi herêmê ve dişînin. Ev gav gaveke piştgiriyê ye li dijî senaryoyên gengaz.”

Li gorî çavkaniyên Serokwezîrtiyê, ligel balafirên şer yên Hêza Hewayî ya Qraliyeta Brîtanî (RAF), balafirên dagirtina sotemeniyê yên hewayî û alavên piştgiriya lojîstîkî ji herêmê re hatine şandin.

Starmer got ku bicihkirina leşkeran bo herêmê, di nav xwe de girtin û pozîsyonên parastinê li dijî tolhildana muhtemel a Îranê digire. Piştî êrişên dawî yên Îsraîlê yên li ser hinek hedefên atomî û leşkerî yên li Îranê, asta hişyariya navnetewî li hember bersiva ji aliyê Tehranê ve hatiye pêşxistin bilind bûye.

Serokwezîr got ku di çarçoveya hevdîtinên xwe yên di çarçoveya civîna G7’Ê de bi serokên Amerîka, Almanya û Fransayê re civiyaye û got “bi awayek berpirsiyar û nerm” kir da ku pêşî li zêdebûna aloziyan were girtin.

Starmer her wiha bal kişand ser bandorên pevçûnên berdewam yên li ser aboriya cîhanî û got, “Bihayên petrolê û zincîrên dabînkirinê rasterast ji krîzên wiha bandor dibin. Ji ber vê yekê, divê hewl ji bo çareseriyek dîplomatîk were dayîn.”

Ev gava Brîtanyayê aliyekî nû li hevsengiya hêza leşkerî ya herêmê zêde dike. Di rewşekê de ku gelek welat, bi taybetî welatên Kendavê û Iraq, ji bandorên şer re xeternakin, xurtkirina pozîsyona xwe ya leşkerî ji hêla Brîtanyayê ve wekî nîşanek tê dîtin ku zextên li ser Îranê dê zêde bibin.

(wd)