Îranê kuştina Mihemed Kazimî û cîgirê wî piştrast kir

NAVENDA NÛÇEYAN

Medya fermî ya Îranê piştrast kir ku Berpirsê Îstixbaratê ya Artêşa Pasdaran a Îranê Mihemed Kazimî û Cîgirê wî Hesen Muheqîqî hatine kuştin.

Ajansa Tesnîm a Îranê û ajansa ÎSNA ya Îranê ragihandin Serokê Îstîxbarata Artêşa Pasdaran a Îranê Mihemed Kazimî, Cîgirê wî Hesen Muheqîqî û Fermandar Muhsîn Baqirî ji aliyê Îsraîlê ve hatine kuştin.

Serokwezîrê Îsraîlê Benyamin Netanyahu jî ragihandibû ku wan Berpirsê Îstixbaratê yê Artêşa Pasdaran Mihemed Kazimî û Cîgirê wî li Tehranê kuştine.

Netanyahu diyar kir ku êrişên leşkerî yên Îsraîlê yên li ser Îranê dikare bibe sedema guhertina desthilatdariyê û got: “Îsraîl ji bo gefên Tehranê hemû li ser xwe dide rakirin, dê her tiştê ku ji destê wî tê bike.”

(fk)