Aborînasê Iraqê Ebdulemîr Mayelî diyar kir ku wê vekişîna kompanyayên neftê ji Herêma Kurdistanê bibe sedem ziyan bigihî aboriya Herêma Kurdistanê û pirsgirêka parvekirina mûçe derkeve.
Di meha Sibatê de Dadgeha Bilind a Iraqê yasaya neft û gazê ya Herêma Kurdistanê berevajiya destûra Îraqê pênase kir û ji aliyê Herêma Kurdistanê firotina neft û gazê derveyî yasayê û berevajiya destûrê dît.
Her çiqas hikûmeta Herêma Kurdistanê biryar red kir û ragihand ku wê biryarê pêk neyînin û biryar nedestûrî pênase kir, hikûmeta Herêma Kurdistanê diyar kir ku wê ji bo berdewamkirina firotina neftê wê hemû karî bike û kompanya piştrast, lê berevajiya hikûmea Herêma Kurdistanê, kompanyayên neftê girêdanbûna xwe bi biryara Dadgeha Federal a Iraqê re ve anîn ziman.
Di nava çend mehên borî de, Kompanyayên Kompanyaya Exxon-Mobîl ya Emerikayê û Baker Hughes vekişîna ji proseya nefta Herêma Kurdistanê ragihandin. Herwiha di nava çend rojên borî de, Kompanyaya Schlumberger ya Emerîkayê ragihand ku ewê li gorî biryara Dadgeha Federal ya Iraqê ya ji bo nefta herêmê tevbigerin, ji ber vê jî hemû karên xwe ên li Herêma Kurdistanê daye rawestandin.
Aborînasê Iraqê Ebdulemîr Mayelî li ser mijarê ji Rojnews’ê re axivî û got: “Li Herêma Kurdistanê hilberîna neftê 500 hezar bernîle û rêjeya mehane 15 milyon bermîle. Dahata mehane, milyarek û 500 milyon dolare. Berdewambûna vekişîna kompanyaya, bi taybet kompanyayên sereke, yên ji ber biryara Weezareta Nefta Federal de, wê bibe sedema li Herêma Kurdistanê hilberîma neftê kêm bibe. Wê ev jî bibde, sedema kêmbûna dahatê û xerabûna zêdetir a rewşa Herêma Kurdistanê ya di warê debarê û mûçeyên sektora giştî de.”
(ab)
