Serokê Encûmena Dadwerî ya Iraqê Faiq Zêdan diyar kir ku girêdanbûna bi biryara Dadgeha Bilind a Federal erkek destûrî û yasayî ye û mafê ti aliyekê nîne biryarê binpê bike, ji ber ku binpêkirina biryarê tê wateya binpêkirina destûr û yasayê. Faiq Zêdan eşkere kir ku yasaya neft û gazê ya Herêma Kurdistanê nedestûrî ye.
Serokê Encûmena Dadwerî ya Iraqê Faiq Zêdan di hevpeyvînek xwe ya li gel rojnameya Sebah a Iraqê de, têkildarî biryara Dadgeha Bilind a Federal a ji bo neft û gaza Herêma Kurdistanê ragihand ku di dosya henardekirina neft û gaza Herêmê de, Wezareta Nefta Iraqê, aliyê gilîkere û nûnerê bîr û nêrîna hikûmetê ye û got: “Piştî şopandina dosyayê derkete holê ku Wezareta Neftê li gorî destûrê mafê vê daxwazê heye, Dadgeha Bilind a Federal jî di berjewendiyê Wezareta Neftê de biryar daye.”
Serokê Encûmena Dadwerî ya Iraqê Faiq Zêdan diyar kir ku girêdanbûna bi biryara Dadgeha Bilind a Federal erkek destûrî û yasayî ye û mafê ti aliyekê nîne biryarê binpê bike, ji ber ku binpêkirina biryarê tê wateya binpêkirina destûr û yasayê. Faiq Zêdan eşkere kir ku yasaya neft û gazê ya Herêma Kurdistanê nedestûrî ye.
Serokê Encûmena Dadwerî ya Iraqê Faiq Zêdan destnîşan kir ku Dadgeha Bilind a Federal a Iraqê di roja 15’ê Sibatê de biryara nedestûriya hejmara 22 ya neft û gaza Herêma Kurdistanê da û wiha domand: “Li gorî dadgehê, yasa berevajiya her yek ji bendên 130, 121, 115, 112, 111 û 110 ên destûra Iraqê ye. Lewma biryar da ku hikûmeta Herêma Kurdistanê neftê radestî Iraqê bike.”
Hêjayayî gotinê ye ku di roja 17’ê Gulanê de, Encûmena Darayî ya Herêma Kurdistanê ragihand ku yasaya neft û gazê ya Herêma Kurdistanê ne berevajiya destûra Iraqê ye. Ji ber ku yasa li gorî madeya 110 û 112 a destûra Iraqê hatiye amadekirin û li gorî yasayê, divê bîrên neftê tenê di destê desthilatiya Herêma Kurdistanê de be.
(ab)
