Hikûmeta Herêma Kurdistanê ragihand ku Kompanya Kurdistan (KROC) a taybet ji bo dîtin û derxistina neft û gazê û Kompanya Kurdistan (KOMA) ya ji bo bazirganîkirina nefta Herêma Kurdistanê ava bikin. Hikûmetê eşkere kir ku dibe hemahengiya van herdu kompanya li gel Kompanya SOMO û Wezareta Nefta Iraqê ve hebe.
Hikûmeta Herêma Kurdistanê bi daxuyaniyekê ragihand ku Kompanya Kurdistan (KROC) a taybet ji bo dîtin û derxistina neft û gazê û Kompanya Kurdistan (KOMA) ya ji bo bazirganîkirina nefta Herêma Kurdistanê ava bikin.
Hikûmetê eşkere kir ku dibe hemahengiya van herdu kompanya li gel Kompanya SOMO û Wezareta Nefta Iraqê hebe û wiha tê gotin: “Divê sererastkirina rêziknameya navxweyî ya Kompanya SOMO bi awayekê be ku wezîfeya cîgirê serokê kompanyayê para Herêma Kurdistanê be. Herêm beşdarê rasteqîn ê kompanyayê be. Du nûnerên herêmê li rêveberiya kompanyayê hebe. Herêma Kurdistanê mafê redkirinê (veto) li ser vê mijarê hebe ku peywendî bi Herêma Kurdistanê ve heye.
Wê hikûmeta Herêma Kurdistanê li ser firoştina nefta Herêma Kurdistanê berdewawm bike, pêwîste herêmê hejmarek hîse li bankan û rêveberina dahata nefta henardekirî de hebe.”
Di 12’ê Gulanê de Wezareta Nefta Iraqê têkildarî henardekirina nefta Herêma Kurdistanê de ragihand ku her herêmek serbixwe peymana neftê li gel kompanyayên cîhanê çêbike, hinardekirina neft û gazê berevajiya destûrê ye û wê dozê li ser wan kompanyayên neftê tomar bikin.
Li gorî Navenda Oil Report, Wezareta Neftê ya Iraqê dijî kompanyayên neftê yên li Herêma Kurdistanê kar dikin, dest bi rê û rêbazên yasayî kiriye. Bi vê yekê re, pêngava yekem ya ji bo bicihanîna biryara Dadgeha Federal ya Iraqê tê avêtin.
Hat destnîşankirin ku divê vê hefteyê de li ser giliyek Wezareta Nefta Iraqê divê ew kompanyayên neftê yên li Herêma Kurdistanê kar dikin, biçin Dadgeha Bazirganî ya Iraqê.
(ab)
