Her çiqas li herêma Soran eraziyek zêde ya ji bo çandiniya zivistanî û havînî heye, lê di demsala zivistanê de ti berhemek xwemalî lê nayê çandin. Cotyar jî sedema wê nebûna xaniyên plastîk dibîne, hikûmet jî xêrxwazan teşwîq dike ku alîkariya cotyaran bikin û ji bo wan xaniyên plastîk ên ji bo çandiniyê ava bikin.
Li bajaroka Soran nêzî 3 hezar zeviyên avî û dêm hene. Li gorî gotina cotyaran, hikûmeta Herêma Kurdistanê di warê alîkarîkirina cotyaran de ku bikarin xaniyên plastîk ava bikin û têde berhemên berhemên havînî di zivistanê de jî biçinin xemsare.
Cotyar Ekrem Abdulllah ku di heman demê de karmendê Daîreya Çandiniyê ya Sorane got: “Li herêma Soran dehan cotyarên bi mînak hene ku dikarin di hemû demsalên salê de gelek cûrên berhemên xwemalî hilberînin. Lê dema ku hikûmeta alîkarî neke, êdî cotyar nikare li ser erka xwe hemû pêwîstiyan pêşwezî bike.”
Cotyar Ekrem Abdulllah diyar kir ku cotyar nikarin bi tenê xaniyên plastîk ji bo çandiniyê ava bike, ji ber ku xerciya wê zêdeye û ji aliyê din ve jî metirsî heye ku hikûmet û aliyên peywendîdar bazarê ji bo wan çêneke , heta ku têde berhemên xwe bifiroş in û got: “Eger hikûmet destê cotyaran negire û rewş her weke niha berdewam bike, wê li herêmê sektora çandiniyê roj bi roj ber bi tinebûnê ve biçe. Eger di warê xaniyên plastîk û bazarê de alîkariya cotyaran were kirin, wê bikarin berhemên havîna di demsala zivistanê de hilberînin û çavê me nemîne li berhemên welatên derve.”
Li Soran ji bo çandiniyê zeviyên destdayî ji bo çandiya havîna û zivistanê heye. 2 hezar û 746 donim zeviyên dêm û avî hene ku piraniya cotyaran berhemên havînê yên weke xiyar û bacanan diçînin. Di demsala zivistanê de jî ceh û genim diçînin.
Rêveberê Giştî yê Daîreya Çandiniyê ya Soran Hekîm Balekî ji Rojnews’ê re got: “Ji ber ku xaniyên plastîk nîne, ew yek dibe sedem ku di demsala zivistanê cotyar bê kar bin û bi sedan kes karê xwe û rêncberiyê ji dest bidin. Di nava du salên borî de, cotyarekê di bin xaniyên plastîk de berhemên havînê ceribandiye û bi serketî bû. Ev jî tê wê wateyê ku zeviyên çandiniyê li Soran ji bo xaniyên plastîk dest dane ku cotyar xaniyên plastîk têde danin û berhemên zivistanî hilberînin. Li gorî ceribandina wan her xaniyek plastîk li Soran dikare 10 ton xiyar berhem bîne.”
Rêveberê Giştî yê Daîreya Çandiniyê ya Soran Hekîm Balekî wiha domand: “Salane çend mînak ji bo Wezaretê tên şand, ji bo ku alîkarî were kirin û girîngiyê bide xaniyên plastîk. Lê, bi riya xêrxwazan li ser xetê ne, da ku çend xaniyên plastîk ji bo cotyaran were çêkirin.”
(ab)
