Wezareta Nefta Iraqê têkildarî biryara Dadgeha Federal a Iraqê ya têkildarî nefta Herêma Kurdistanê nivîsek parve kir û ji bo rêveberina dosya neft û gaza Herêma Kurdistanê daxwaza avakirina kompanyayekê dike. Wê kompanya ser bi hikûmeta navendî be û navê KROC be. Navenda wê ya sereke dê li Hewlêrê be.
Di 15’ê Sibatê de Dadgeha Federal a Iraqê, têkildarî firotina nefta Herêma Kurdistanê ya bi awayê serbixwe biryar da. Ji aliyê Herêma Kurdistanê bi awayek serbixwe firotina neftê weke neyasayî dît.
Wezareta Neftê ya Iraqê jî biryara pêkanîna biryarê da.Li gorî nivîsa ku di 24’ê Adarê de ji aliyê Wezaerta Nefta Iraqê ve pêşkêşî hikûmeta Herêma Kurdistanê hatiye kirin, ji hikûmeta Herêma Kurdistanê xwestiye, di nava 15 rojan de kopiyek hemû peymanên ji sala 2014’an ve di derbarê neft û gazê de li gel kompanyayên neftê kirine, li gel tomarkirina dahata firoştin û henardekirina neft û gazê pêşkêşî Wezareta Nefta Iraqê bike,.
Li gorî Wezareta Neftê ya Iraqê, armanc ji daxwazkirina peymanan ewe ku tîmek pispor û şêwirmendên Wezareta Nefta Iraqê û nûnerên Herêma Kurdistanê yên destûra wan hatiye dayîn temaşe bikene.
Wezareta Nefta Iraqê ji bo rêveberina dosya neft û gaza Herêma Kurdistanê daxwaza avakirina kompanyayekê dike. Wê kompanya ser bi hikûmeta navendî be û navê KROC be. Navenda wê ya sereke dê li Hewlêrê be.
Hêjayî gotineyê de Serokwezîrê Herêma Kurdistanê Mesrûr Barzanî di 28’ê Adarê de diyar kir ku rojane 500 hezar bermîl neft henarde dikin û wê di dema pêş de bi riya Tirkiyeyê gazê bigihînin Ewropa û got: “Em ê Kurdistanê bêxin li ser navenda enerjiya cîhanê.”
Di 16’ê Sibatê de Serokwezîrê Iraqê Mistefa Kazimî diyar kirîbû ku Wezareta Nefta Iraqê erkdarkiriye ku hemahengiyê ji bo pêkanîna biryara Dadgeha Bilind a Fedral li gel Herêma Kurdistanê û Kompanyayên welatên hiliberîna neftê bike.
(ab)
