Li Silêmaniyê ji aliyê komîteya jineolojî ve ji bo hunermend Zehra Dogan çalakiyek hunerî hate organîzekirin. Zehra Dogan di çalakiya xwe de bi çêkirina tabloya jinên hatine kuştin û li ser gora wan ti navnîşanek tine ne, balê kişand ser kuştinên jinan.
Di saetên êvarê de li kargeha Cigare ya Silêmaniyê ji aliyê komîteya Jineolojiyê ve çalakiyek hunerî ji bo Hunermend Zehra Dogan organîze kir.
Zehra Dogan di çalakiya xwe ya bi navê ‘şîna xakê’ de tabloyek ya jinên ku ji aliyê mêran ve tên kuştin û li ser gora wan ti navnîşanek nayên danîn, xêz kir.
Piştî çalakiyê Zehra Dogan di derbarê çalakiya xwe de ji çapemeniyê re axivî û got; “Şîna xakê yekem çalakiya min a huneriye li Başûrê Kurdistanê pêşkêş dikim. Di dema pêş de ezê li Berlîn, Mîlano û çend bajarekî din ên Ewropayê jî vê berhema xwe nîşan bidim. Bi qasî mehek din ez ê li Başûr bimînim û çalakiyên xwe yên hunerî berdewam bikim.”
Zehra Dogan diyarkir wê bi vê tabloya xwe xwest balê bikişîne ser kuştinên jinan ên ji aliyê mêran pêktên. Dogan got, erkê jinên hunermende bi hunera xwe dengê jinan bilind bikin.
(kş)
