Li Girkê Legê koma Şanoyê ya Çiya ji bo zindî hiştin û bîranîna dengbêjê efsanewî yê Kurd Evdalê Zeynikê şanoyek li ser jiyan û hunera wî çêkirin. Di şanoyê de 28 şanogerên Kurd û yên biyanî rol dileyîzin.
Koma Şanoyê ya Çiya ji bo zindî hiştin û bîranîna dengbêjê efsanewî yê Kurd Evdalê Zeynikê şanoyek li ser jiyan û hunera wî çêkirin. Di şanoyê de 28 şanogerên Kurd û yên biyanî rol dileyîzin. Her wiha derhêneriya şanoyê Osman Kurtalan û sponsoriya wê jî ‘Nefel Production’ girtine ser xwe.
Mijara şanoyê li ser jiyan û hunera bi nirx a Evdalê Zeynikê ye ku weke dengbêjî Kurd ê yekem dîrok û destanên gelê Kurd tevlî dengbêjiyê kiriye û gotiye. Her wiha bi dengekî bilind banga aştî û yekîtiya netewî ya Kurda dikir.
Şanoya ji bo bîranîna dengbêjê Kurd Evdalê Zeynikê cara yekem li Navenda Çand û Hunerê ya Aram Tîgran a li Girkê Legê ya Rojavayê Kurdistanê û piştre li bajarê Qamişlo hat nîşan dan. Her wiha biryare ku di demê pêş de li herêmên din yê Bakur û Rojhilatê Suriyê were nîşan dan.
Dengbêjê Kurd Evdalê Zeynikê di destpêka sala 1800’î de li gundê Cemalwêrdî ya girêdayi Dutax ku niha girêdayî Agiriyê ye ji dayik bûye û di sala 1913’yî de li gundê Qanciyan a Qereyaziyê koça dawî kiriye. Evdal temenekê pir dirêj jiyaye. Tê gotin ku Evdal 110 salî zêdetir jiyaye û li seranserê Kurdistanê geriyaye. Gora wî li gundê Qanciya li ser Qereyaziya Erziromê ye.
(fk)
