Li Hola Bîrdarî ya Helebceyê civînek li ser çanda Hewramî hate lidarxistin. Di civînê de hate gotin ku ew dixwazin çand û wêjeya Hewramî bi nifşê nû bidin nasîn.
Li Hola Bîrdarî ya Helebceyê rêxistina Kerîm Elekewe civînek derbarê wêje û çanda Hewraman lidarxist. Yek ji amadekarê civînê Şaxewan Sidîq derbarê armanca civînê de ji Rojnews re axivî û got; “Civîna li ser wêje û çanda Hewraman ji aliyê mamosta Cemal ve hate dayîn. Li ser ziman, ferheng, wêje, çand û geştiyariya herêma Hewreman guftogo hate kirin. Di civînê de tezên zanistî yên li ser çanda herêma Hewreman hatin pêşkêş kirin. Em hew didin hîn zêdetir agahiyên derbarê ziman û çanda Hewreman de nehatine bihîstin, derbixin derve. Em dixwazin nifşê nû yê niha sud ji çanda hevbeş ya Hewreman bigrin.”
Nivîskar Dara Mihemed jî ku tevlî civînê bû, diyarkir ku civînên bi vî awayî xwedî girîngiyek xwe ya taybetin, ji ber ku sudek mezin didin herkesê. Dara dibêje; “Em dixwazin encama van tezên zanistî piştre ji bo kesên pisporê ferhenga hewramî werin şandin. Wê ew jî lêkolînek zanistî bikin.”
(nr)
