Li Hewlêrê 7’emîn Festîvala Şanoyê ya Navneteweyî destpê kir û wê 7 rojan berdewam bike.
7’emîn Festîvala Şanoyê ya Navneteweyî vê êvarê li Hewlêrê destpê kir. Wê ji 9 welatan şanoger tevlî bibin û berhemên xwe pêşkêş bikin.
Ji Rûsya, Ukrayna, Sûriye, Urdun, Uman û hinek welatên din tevlî festîvalê bibin. Wê di nava rojên festîvalê de 15 berhemên şanoyê yên cuda werin pêşandan.
Rêveberê Şanoya Hewlêrê Hîwa Suad ku di heman demê festîvalê organîze dike axivî û got: “Yekdengiya hunermendan wiha kiriye ku 7’emîn festîvala şanoyê ya navneteweyî li Hewlêrê pêk were. Lê, bûdceya pêwîst di destê me de nebû, heta ku bikarin hunermendên herçar parçeyên Kurdistanê lê kom bikin.”
Hîwa Suad ji hikûmetê xwest ku zêdetir girîngiyê bide şano û hunerê.
(ab)
