Di çarçoveya pêngava 16 rojî ya têkoşîna li dijî şideta li ser jinê de, li Silêmaniyê festîvalek filman û spotên rêxistinên jinan hate lidarxistin. Di festivalê de 9 spot û kurtefîlmên li ser şidet û cûdahiya rêgezî hatin nîşandan.
Di saetên êvarê de li Salona Salim a Silêmaniyê di çarçoveya pêngava 16 rojî ya têkoşîna li dijî şideta li ser jinê de, festivalek ya film û spotên rêxistinên jinan ên têkildarî şidetê hate lidarxistin.
Di festivalê de 9 kurte film û spotên têkildarî şideta li ser jinê, jinên ji destê DAIŞ’ê rizgarbûne, di dema karantinaya virûsê de şideta li ser jinê û di temenê zarok de zewicandin hatin nîşandan.
Piştî nîşandana film û spotan nûnerên rêxistinên jinan têkildarî armanca lidarxistina festivalê axivîn û piştre xelat hatin belavkirin.
Di dawiya festivalê de Çalakvana Mafên Jinan Bihar Munzir têkildarî armanca lidarxistina festivalê ji çapemeniyê re axivî û got: “Ev festival pêngavek giringe ji bo hişyarkirina civakê daku were zanîn wê çawan xwe ji şidetê biparêzin û li hemberî şidetê rawestin.”
(kş)
