Li Silêmaniyê Festîvala Wêje destpêkir, waliyê Silêmaniyê destpêkê axivî diyarkir ku rojane herêmên wan ji aliyê welatên cîran ve têne bombebaran kirin.
Li bajarê Silêmaniyê bi tevlîbûna komek nivîskar, wêjevan û hunermendan 1. Festîvala Wêje bi deqeyek rêz ji bo tevahî şehîdên Kurdistanê destpêkir.
Piştî wê waliyê Silêmaniyê Heval Ebubekir axaftina vekirinê kir. Heval got ku bajarê Silêmaniyê ji destpêkê ve paytexta çand, huner, wêje û rewşenbiriyê bû, niha bajarê rewşenbiriyê ye.
Waliyê Silêmaniyê di dewama peyama xwe de got; “Dema em vê festîvalê lidardixin, em li ber xirab karanîna îdare, desthilat û hikumraniyê radiwestin, rojane herêmên me ji aliyê welatên cîran ve tên bombebaran kirin.”
Piştî axaftinan, pêşangehek wêneyên kesayetên wêjevan, hunera Silêmaniyê hate nîşandan, piştre pêşangehek pirtûkan hate vekirin. Tê payîn festîval 3 rojan dewam bike.
(nr)
