Li Silêmaniyê bi tevlibûna 20 jinên şêwekar pêşangehek wêneyan dibin dirûşma ‘Soza jin’ de hate vekirin. Di pêşangehê de tabloyên ku balê dikişînin ser êş û şideta li ser jinê û goristana bêkesan a jinan hatin nişandan.
Li Hola Galeriya Emnesoreke ya Silêmaniyê ji aliyê Rêxistina Jinên Azad ên Kurdistanê (RJAK) ve pêşangehek ji bo 20 jinên şêwekar hate vekirin.
Pêşangeh di çarçoveya çalakiyên pêngava 16 rojî ya têkoşîna li dijî şideta li ser jinê hate vekirin. Di pêşangehê de 30 tabloyên ku balê dikişandin ser êş, şideta li ser jinê û ciwaniya xwezayê hatin nişandan.
Di nava tabloyan de tabloyek ji aliyê jina şêwekar Derun Sabir ve hatiye xêzkirin ku balê dikşîne ser goristana bêkesan a jinan. Li ser tabloyê Derun Sabir got: “Di vê tabloyê de min xwest balê bikşînim ser êş û kuştinên jinan. Ka çawan jin dema tên kuştin jî êş bi wan didin kişandin û li ser kêlên gorên wan jî ti navnişanek nadaynin.”
Pêşangeh wê heta saet 17:00’an bi dawî were.
(kş)
