Kurdistanî û dostên wan li dijî êrîşên dagirkeriyê yên dewleta Tirk li Londona paytexta Îngîltereyê li ber Konsolosxaneya Iraqê çalakiyek li dar xistin.
Li ser banga Komîsyona Başûr a Kongreya Civaka Demokratîk a Kurdistaniyên li Ewropayê (KCDK-E), bi beşdariya Nûnerên Mala Gel a London, Komîsyon Civaka Demokratîk a Brîtanya, Kurd û dostên wan li ber Konsolosxaneya Iraqê bi çalakiyekê êrîşên dewleta Tirk ên li ser Başûrê Kurdistanê protesto kirin.
Çalakvanan wêne û posterên welatiyên Başûrê Kurdistanê yên ji aliyê dewleta Tirk hatibûn şehîdkirin vekirin.
Piştî çalakiya du saetan nameyeke bi zimanê Erebî radestî Konsolosxaneya Iraqê hat kirin. Di nameyê de behsa hovîtî û binpêkirina dewleta Tirk a li hember Başûrê Kurdistanê tê kirin. Her wiha tê xwestin ku Iraq tavilê baregehên leşkerî û sîxurî yên dewleta Tirk ji xaka Başûrê Kurdistanê derxe.
Çalakî bi dirûşman bi dawî bû.
(yş)
