Artêşa Emerîkayê ragihand ku bi êrişeke hewayî li şefê koma çete ya Hûrras El Dîn a nêzî El Qaîdeyê ku dewleta Tirk piştgiriya vê komê dike xistiye.
Fermandariya Navendî ya Artêşa Emerîkayê CENTCOM’ê bi daxuyaniyek ragihand ku li 27’ê Hezîranê de li parêzgeha Idlibê di êrişa hewayî de Ebû Hamza El Yemenî bi motorsîkletê bi serê xwe tevdigeriya hedef hatiye girtin.
CENTCOM’ê got, “Jiholêrakirina vî rêveberê payebilind wê El Qaîdeyê lawaz bike ku nikaribe li hemberî welatiyên Emerîkayê, hevkarên me û sivîlên li her devera cîhanê êrîşan bike.”
Li gorî heman daxuyaniyê, serçete Ebû Hemze di dema li ser motroskiletekê û bi tena xwe ber bi cihekî ve diçû, bûye armanc û hatiye kuştin.
Li gorî rayedarekî ku CNN ji xwe re kir çavkanî, rayedarên Emerîkî di ‘asta bilind’ de xwedî agahiyan e ku di êrişa bi droneyê de Ebû Hamza El Yemenî hatiye kuştin.
Hêjayî gotinê y eku di 16’ê Hezîranê jî berpirsyarekî çeteyên DAIŞ’ê Hanî Ahmed El Kurdî li herêma Helebê di êrişekê de hatibû kuştin.
DYE’yê 3’yê Sibatê li Atme ya ku dewleta Tirk dagir kiriye, bi operasyonekê şefê DAIŞ’ê Ebû Îbrahîm el Haşimî el Kûreyşî kuştibû.
(ab)
