Komek ciwanên devera Raperîn derbarê rewşa ciwanan û koça ciwanan a dervey welat de daxwaznameyek pêşkêşî ofîsa parlementoyê kirin. Ciwanan daxwaz ji parlementoyê kirin ji bo başkirina rewşa ciwanan û pêşîgirtina koça ciwanan bi erkê xweyê exlaqî rabin û nûnertiyek baş ji gel re bikin.
Di saetên nîvro de komek ciwanên devera Raperîn li navçeya Ranyayê li ber ofîsa parlementoyê kombûn û bi daxuyaniyekê daxwazên xwe pêşkêşî ofîsa parlementoyê kirin.
Daxuyaniya ku ji aliyê Amanc Mihemed ve hat xwendin de hat gotin, “Wekî ku tê zanîn xelkê Başûrê Kurdistanê ev demeke dirêje pirsgirêkên xizmetguzarî, aborî, civakî û siyasî dijîn. Vê yekê wisan kiriye ku di nava hemû çînên civakê de nerazîbûn çêbe.”
Di daxuyaniyê de daxwaz hat kirin hemû komên li parlementoyê ji bo başkirina rewşa ciwanan û pêşîgirtina koça ciwanan bi erkê xwe yê exlaqî rabin û nûnertiyek rast ji gel re bikin.
Her wiha ciwanan daxwaz kirin ku parlemento derbarê rewşa du ciwanên Biradostî ku artêşa Tirk ew revandibûn û niha jî di dest asayîşa PDK’ê de ye, lêkolîn bike.
(kş)
