HEVPEYVÎN

Hemû Nûçe

  • Emîn Bekir: Ji ber nebûna yekgirtinê Kurd ji guhertina destûrê ditirsin 

    Şêwirmendê Serokê Parlamentoya Iraqê Emîn Bekir diyar kir ku daxwaza guhertina destûrê ne daxwaza xwepêşanderane û got ku partiyên siyasî dixwazin bikin daxwazên wan û got;"Partiyên Kurdan ji ber nebûna yekgirtinê û gendeliya xwe ji guhertina destûrê ditirsin. "
  • Aldar Xelîl: Wê Rêveberiya Xweser wek xwe bimîne 

    Endamê Desteya Rêveber ê TEV-DEM’ê Aldar Xelîl di derbarê vekişîna hêzên QSD’ê ji sînor de da zanîn ku wê Rêveberiya Xweser wek xwe bimîne û got; “Vekişîna hêzên QSD’ê bi şertê ku Rusya garantiya Erdogan êrîş neke hatiye kirin. Dema ku QSD ji sînor vekişiya, wê ti hêzek nêzî herêmên me nebe. Rêveberiya leşkerî bajar û navçeyan bi parêze û her cihê hatî azad kirin wê wek xwe bimîne.”
  • Dr. Salar: Rojava zemîn ji bo yekîtiya netewî bihêz kiriye û divê bigihe armancê 

      Dr. Salar Basîre da zanîn ku li ser Rojhilata Navîn senaryoyên navnetweyî hene û êrîşa li ser Rojavayê Kurdistanê jî xelekeke ya zincîra van senaryoyane û got; “Berxwedana Rojavayê Kurdistanê yekem car piraniya Kurdan anî cem hev û zemînek ji bo yekîtiya netewî ya Kurdan avakiriye. Ji bo wê pêwîste Kurd vê yekê biserxin.”
  • Ereb: Divê hêzên navneteweyî çavdêriya agirbest û herêma aram bikin 

     Hevserokê Nûnertiya PYD’ê ya li Başûrê Kurdistanê diyar kir  ew weke Kurd herêma bi ewle û agirbestê di pejirînin, lê weke ku Tirkiye dixwaze qebûl nakin. Herwiha da zanîn ew dagirkirina yek bost xaka Rojavayê Kurdistanê ya ji aliyê Tirkiyeyê ve napejirînin û got;" Pêwîste hêzên navneteweyî çavdêriya rawestandina şer û herêma aram bike. "
  • Vejîn: Rojhilat amadeye xwe di demek kurt de bi rêxistin bike 

    Hevseroka Partiya Jiyana Azad a Kurdistanê (PJAK) Zîlan Vejîn diyar kir ku Îran di rewşek xerab a siyasî, civakî û aborî de ye û di siyaseta xwe ya hundirîn û derve de xetimiye û got;"Me projeya stratejîk û demdirêj heye. Ji bo pêkanînê gavan tavêjin. Li Rojhilatê Kurdistanê ger her guhertinek rû bide hêza Kurdan heye ku demek kurt de xwe rêxistin bike." Vejîn li ser rewşa Rojavayê Kurdistanê jî got;"Hebûn û tinebûna Rojavayê Kurdistanê tê wateya hebûn û tinebûna parçeyên din ên Kurdistanê.
  • Eseserd: Heya niha me biryar nedaye em nûnerê YNK’ê bişînin Enqerê 

    Endamê Serkirdayetiya Yekitiya Nîştimanî Kurdistanê (YNK) Ferîd Eseserd got ku YNK, PDK û Yekgirtûya Îslamî xwe wek dostê Tirkiye dibînin û ger li Enqere îradeyek bi hêz ji bo çareseriya pirsgirêka Kurd hebe ew amadene tê de rolê xwe bilîzin. Têkildarî peywendiyên Bexda û Hewlêrê jî da zanîn ku PDK ji bo lihevkirinê li gel mercên Bexdayê di nava nakokiyan de ye. Her wiha Eseserd anî ziman ku heya niha YNK’ê biryar nedaye nûnerê YNK’ê bişîne Enqerê.
  • Babekir: Erdogan amadeye peymana 50 salî ya li gel Herêma Kurdistanê hilweşîne 

    Rojnamevan û Çavdêrê Siyasî Pişder Babekir eşkere kir ku Erdogan di civîna xwe ya dawî li gel Serokwezîrê Iraqê Adil Ebdulmehdî de aniye ziman ku ew amade ye lihevkirina 50 salî ya aborî ya dinavbera Tirkiye û Herêma Kurdistanê de hilweşîne. Babekir behsa hewildanên Tirkiye ên li gel Iraqê jî kir û da zanîn armanca Tirkiye ewe ku bazirganiya xwe ya li gel Iraqê salane bigihîne 20 milyar dolaran.
  • Ebûbekir Heledinî: Dagirkirina şaredariyan destdirêjiya ser rûmeta Kurdan e 

    Endamê Rêveberiya Yekgirtû ya Îslamiya Kurdistanê Ebûbekir Heledinî diyar kir ku pêwîste Tirkiye ji bo aştiyê pêşwaziyê li peyamên Rêberê PKK’ê Abdullah Ocalan ku kilîla aştiyê ye bike û Kurd jî di vê pêvajoya awarte de bi yekgirtinê guhertina pêşwazî bikin, ji bo yekîtiyê fedekariyê bikin. Heledinî dagirkeriya li ser şaredariyên Bakûrê Kurdistanê jî wekî destdirêjiya ser rûmeta tevahiya Kurdan nirxand.
  • Mihemed Nasir: Ocalan gihiştiye lûtkeya felsefeya aşiti yê 

    Derûnas û Mamostayê Zanîngehê Dr. Mihemed Nasir diyar kir ku li gora wî Ocalan gihiştiye lûtkeya felsefeya aşitiyê ku di cîhanê de çend kesek gihiştine wê astê. Têkildarî aşitiya nava Kurdan jî got; “Ocalan yek ji aktorên bihêze ji bo pêkanîna aşitî û kongreya netewî ya Kurd.”
  • Talîb Resul: Ocalan bîrmende û 20 sale ji bo Kurdan di girtîgehê de ye 

     Hunermend Talîb Resul wezareta rewşenbîrî û piraniya hunermendan rexne kir û got;"Newekheviyek zêde ya jiyanî ya xelkê heye. Dagirkerî heye. Lê, humermend ji ber hizbîbûnê nakin stran." Herwiha eşkere kir ku dezgehên şerê taybet bandorî li ser hunera Kurdî kiriye û hunera biyanî jî ketiya Başûrê Kurdistanê.   Resul got ku humermendên xwedî ezmûn tên paşguhxistin. Resul eşkere kir ku Ocalan bîrmendekî Kurd e.
  • Fermandara QSD’ê: Eger êrîş bikin, wê her der bibe qada şer 

    Fermandara QSD’ê Newroz Ehmed têkildarî planên dewleta Tirk a avakirina korîdora terorê ya ji bo dagirkirina Bakur û Rojhilatê Sûriyê hişyariyên girîng da û got, “Eger dewleta Tirk êrîş bike, wê bersivdayîn mezin be û dê hemû der bibin qadên şer.”
  • Qeredaxî: Qalnekirina dagirkeriya Tirkiyeyê  xalek lewaz a bernama hikûmetê ye 

     Nivîskar û Çavdêrê Siyasî Umêd Qeredaxî diyar kir ku xala lewaz a bernameya hikûmeta Herêma Kurdistanê ewe ku qala dagirkeriyên Tirkiye nake û got; "Ev kabîne reformek mezin pêk nayîne."
  • Aram Hacî: Ocalan kilîla çareserkirina hemû krîzên Tirkiyeyê ye 

     Lêkolîner û Mafperwer  Aram Hacî diyar kir ku hewldanên Rêberê PKK’ê Abdullah Ocalan ji bo çareserkirina pirsgirêkên Rojhilata Navîne û eşkere kir ku dijberî û aloziyên mezhebî nikare li Tirkiye û Rojhilata Navîn aştiyê pêk bîne û got ku peyama Bayik a ji bo Tirkiye peyamekî hişyarkirinê ye.
  • Dîroknas Macid: Ne ji Qendîl be wê Herêma Kurdistanê dibin kontrola Tirkiyê de be 

    Dîroknas Macid Xalid diyar kir, xwe dûbare kirin û ders ji dîrokê dernexistin, ji bo desthialta Başûr bûye edetek û got, “Desthilata Başûr timî xwe dûbare dike û nikare ders ji bûyerên dîrokî derxe. Xwe dûbare kirin jêre bûye edetek. Divê bizane eger ne ji Qendîl ba, wê niha Herêma Kurdistanê bi temamî dibin destê Tirkiyê de baya. Armanca Tirkiyê tenê ne Qendîle, hemû Kurdistane. PKK li pêşiya van berjewendiyên Tirkiyê astengiyê çêdike.”
  • Moînî: Li Îranê hêza herî bi rêxistinkirî Kurd in 

     Hevserokê Partiya Jiyana Azad a Kurdistanê (PJAK) Siyamend Moînî diyar kir ku yekîtiya di nava hêz û aliyên Rojhilatê Kurdistanê girînge û got ku îro ji bo Kurdan derfetekî guncav û zêrîn heye, ji bo ku bikarin bigihin hêvî û armancên xwe. Herwiha eşkere kir ku dibe îro şoreşa 1979'an a gelên Îranê berdewawam bike.
  • Hevserokê PYD'ê qala hevdîtinên xwe yên li Başûr kir 

    Hevserokê Partiya Yekîtiya Demokratîk (PYD) Şahoz Hesen eşkere kir ku hevdîtinên şandeya partiyên siyasî yên Bakur û Rojhilatê Sûriyeyê li Başûrê Kurdistanê bi awayek erênî derbas bû û got;"Em ê encama van hevdîtinan bi nirxînin û li gorî wê gavan bavêjin."
  • Hawjîn Mela Emîn: Başûr guh nede peyamên Ocalan wê aloziyek mezin çêbibe 

    Nivîskar û Lêkolîner Hawjîn Mela Emîn bal kişand ku eger li Başûrê Kurdistanê guhnedin peyamên Rêberê PKK’ê Abdullah Ocalan û ji bo yekrêziya nava hêzên Kurdistanîkar neyê kirin, wê aloziyek mezin li Başûrê Kurdistanê çêbe û got:“Hevnegirtina Kurdan wê bibe sedem ku carek din senaryoyek bi serê wan de were û sed salên din êşa wê bikişînin.”
  • Rêbwar: Berhem Salih weke Kurdekê li gel Tirkiyeyê danûstandina nake 

    Rojnameger  û Nivîskar Rêbwar Tofîq diyar kir ku îhtîmala lihevkirina Tirkiye, Iraqê û welatên navneteweyî li dijî Kurdan heye û got; "Berhem Salih li gel Tirkiyeyê weke Kurdekê danûstandina nake. Ji bo berjewendiyên Iraq, xwe û partiya xwe kar dike."
  • Mamostayê zanîngehê: Eger şer rû bide jî wê dem kurt be 

    Mamostayê beşê zanista siyasetê ya Zanîngeha Silêmaniyê Dr. Zimkan Elî diyar kir ku Serokkomarê Amerîka ji bo careke  di hilbijartinê de serbikeve, dixwaze aloziyê li gel Îranê heta hilbijartinên serokkomariyê ya dema bê dirêj bike û got; "Bi ti awayî şer di navbera Amerîka û Îranê de rû nade. "
  • Hevseroka PJAK'ê: Em ji bo her rewşeke rû bide amade ne 

    Hevseroka Partiya Jiyana Azad a Kurdistanê (PJAK) Zîlan Vejîn diyar kir ku PJAK li bendê namînin ku ka wê şer di navbera Amerîka û Îranê de rû bide yan ne, ji her rewşê re xwedî projeya ne û ji bo her rewşê amade ne. Vejîn eşkere kir ku xeta sêyemîn bingeh digirin. Herwiha got ku Amerîka û Îran şerê berjewendiyên xwe dikin.
  • Hakim Rizgar: Ji  bo rêveberî rewa be, pêwîstî bi destûrê ye 

    Dadwer Hakim Rizgar Mihemed Emîn diyar kir ku li Herêma Kurdistanê destûr pêwîstiyeke û got ku desthilata siyasî beşek ji rewabûna xwe ji destûrê digire got; "Ne li Iraqê û ne jî Herêma Kurdistanê kar bi destûr û yasayê nayê kirin."
  • Kamyar Sabîr: Yekîtiya nîştimanî dikare ji bo mijarên stratejîk pêk were 

     Nivîskar û lêkolîner Kamyar Sabîr diyar kir ku ji bo mijarên stratrejîk aliyên siyasî dikarin yekîtiyek nîştimanî pêk bînin û got; "Herî kêm nokeriyê ji bo dagirkeriyê dagirkeran nekin." Herwiha diyar kir ku Ocalan dixwaze neteweya demokratîk pêk bîne ku hemû neteweyên din di nava xwe de bigire.
  • Gulpî: Pêdiviya Başûr bi sîstema Rojavayê Kurdistanê heye 

    Çavdêrê siyasî Dr. Fayiq Gulpî diyar kir ku ji ber desthilata malbatî û xweferzkirina hizban xelkê Başûrê Kurdistan bêhêvî bûye. Gulpî destnîşan kir ku pêwîstiya gel bi guherînê heye û got; "Hêviya xelkê bi sîstema Rojavayê Kurdistanê heye û dixwaze ev sîstem derbasî Başûrê Kurdistanê jî bibe."
  • 'Li gorî pîvanên mafê mirovan nêzîkatî bi Ocalan re nayên kirin' 

    Endamê Parlamentoya Ewropayê Arne Gericke got: "Em dibînin ku Ocalan di girtîgeha take kesî de dimîne û li gorî pîvanên mafê mirov û peymana Cenewre nêzîkatî pêre nayên kirin, ev yek di heman demê de binpêkirina mafên Ewropayê ye."
  • Mubarek: Hizbên Başûr berjewendiyên malbatî li ser yên netewî re digirin 

    Ebdullah Kiwêxa Mubarek ku kesayetekî diyar ê Başûrê Kurdistanê ye, diyar kir ku dewleta Tirk destê xwe xistiye qirika Başûrê Kurdistanê û dagirkeriyeke pir alî li herêmê pêk tîne û partiyên Başûr jî ji ber berjewendiyên xwe yên malbatî çav jêre digirin. Mubarek pêkanîna kongreya netewî weke yek ji karên zarûrî yên Kurdan destnîşan kir û daxwaza li darxistina kongreya netewî kir.