Yek ji serkirdeyên dêrîn ên şoreşa Başûrê Kurdistanê Mam Salih Gurî Espî, da zanîn ger PDK alîkariya Tirkiyeyê neke, yek leşkerên Tirk nikarin derbasî xaka Herêmê bibin. Her wiha got; “PKK şerê navxweyî naxwaze, lê PDK provakasyonan dike. Divê PDK bizane ku karê ew dike nûkertîkirina ji dewleta Tirk re ye û karek xelete.” Mam Salih ev pirs ji PDK’ê kir; “Ger PKK dest ji parastina Kurdistanê berde, ma wê kî bikare xwe bi parêze?”
Mam Salih Gurî Espî yek ji pêşengên diyar yên Bizotnewey Rizgarîxwaz a Başûrê Kurdistanê ye û têkoşerek dêrîn yê herêma Germiyanê ye. Di destpêka salên 1970’an de tevli bizotneweyê bûye û wek pêşengek bi rola xwe rabûye. Piştî şerê navxweyî di navbera YNK’ê û PDK’ê de derdikeve sond dixwe ku ewê berê çekên xwe nede Kurda.
Mam Salih Gurî Espî di hevpeyvînek taybet li gel Rojnews’ê de fikarên xwe yên li ser hewildanên PDK’ê yên ji bo derxistina şerê Kurd bi Kurd anî ziman û bang kir.
Yê hevkariya dewleta Tirk a dagirker dike kiye?
‘PDK hevkar û rêxweşkere ji bo dewleta Tirk’
Dewleta Tirk ger ne bi hevkariya PDK’ê be wê nikaribe yek leşkerên xwe bişîne nava xaka Herêma Kurdistanê. Dewleta Tirk bi hevkariya PDK’ê êrişan dike û PDK rê ji leşkerên Tirk re xweş dike. Kesên şoreşger û bi xîret di nava PKK’ê de hene, lê mixabin PDK destê ji bo aştiyê dirêj nake. PKK şerê birakujî naxwaze lê PDK provakasyonan dike.
– Banga we ji bo PDK’ê û hêzên Kurdî çiye?
‘Bila PDK êdî nokertiyê ji Tirkiye re neke’
Daxwaza min ji PDK’ê û YNK’ê jî ewe ku şerê navxweyî dernexin, ji berku metirsîdare û wê zirerek mezin bigihe gelê Kurd. Di vî şerî de wê zarokên Kurdan werin kuştin. Bila zû vî şerî rawestînin. Ger em xaka xwe rizgar bikîn têra me hemûyan dike. Lê çima Tirkiye were dagir bike û em jî lê temaşe bikin. Me bi dehan hezar şehîd ji bo Kurdistanê dane, bi hêvî me êdî PDK were ser hişê xwe û bêje karê ku ez ji bo Tirkan dikim nûkertiye û xelete. Bila ji dewleta Tirk re bêje em jî Kurdin û destûr nadin hun di ser me re êrişê ser PKK’ê bikin ji berku ew jî Kurdin. Ger PKK li van çiyayan nebe, wê sibe Tirkiye ji Hewlêrê ta Ranya û Qeladizê dagir bike. Wê demê hunê çibikin?
– Hun peyama Murad Karayilan a ji bo aştiyê çawan dibînin?
‘Peyamek şoreşgerane ye’
Peyama Murad Karayilan peyamek di cih de ye û şoreşgeraneye. Ez jî heman daxwazê ji Mesûd Barzanî dikim, dest û çavên wî maç dikim, ger xwe wek mezinê Kurdan dibîne divê gel û welatê xwe bi parêze. Bila li gel PKK’ê û YNK bi cive, lihev bikin. Ger dijbertiya birayê xwe bikî, êdî najî, wê tenê dilê dewleta Tirk xweş bibe. Ricayê dikim dawî li vî şerî bîne û bi gelê xwe re be.”
– Ger PDK di vê siyaseta xwe de israr bike, wê çi rû bide?
‘Wê dîrok li ser wan binivîse û Kurd bibe dijminê wan’
Ger PDK vê siyaseta xwe berdewam bike, wê dîrok ji bîr neke û dayîkên Kurdan li dijî wan rabin. Ji bo xatirê xwedê ricayê dikim kurê Kurdan nedin kuştin. PDK, tu şer ji bo dijmin dikî û dijmin tînî ser birayê xwe de. Ma ev rewaye? Hun vê carê aşbetalî bikin, wê tiştek bi navê Kurd nemîne. Wê di siberojê de Kurd bibin dijminê we.”
– Helwesta we li beramberî vê siyaseta şerxwaz çiye?
‘PKK em in, ji bona wê em vî şerî qebûl nakin’
Em wek pêşmergeyên dêrîn qebûl nakin gerîla werin şehîd xistin. PKK em in û hun PKK’ê bikujin wekî we em kuştîn wisaye. Ger PKK dest ji parastina Kurdistanê berde, ma wê kî bikare xwe bi parêze. Wê demê hunê bibînin ka wê çawan tevayî xaka Kurdistanê were dagirkirin. Wê demê hunê herin kuderê? Wê kî we bi parêze?
(kş)
