Bi wesîleya salvegera wefata Wezîra Berê ya Karên Derve ya Fransayê Daniel Mîteran ku dosta Kurdan bû, li Helebceyê hat bîranîn.
10 sal di ser wefata Wezîra Berê ya Karên Derve ya Fransayê Daniel Mîteran re derbas dibe. Daniel Mîteran ku wek dosta gelê Kurd dihat zanîn, ji bo wefadariya wê îro li Helebceyê tace gulek li ber peykerê wê hat danîn û hate bîranîn.
Di merasîma bîranînê de Rêveberê Rêveberiya Rewşenbîriya Helebce Mihemed Fetah axivî û got, “Jina şoreşger a Fransî Daniel Mîteran di gihandina êş û azarên gelê Kurd ji bo cihanê de xwedî rolek berçav bû. Ji bo Kurdan li Rojhilata Navîn û Ewropayê piştgiriyek baş dikir.”
Hêjayî bibîrxistinê ye, Wezîra Berê ya Karên Derve ya Fransayê Daniel Mîteran di sala 1991’an de di dema koça welatiyên Başûrê Kurdistanê ya ber bi sinorê Tirkiye û Îranê de serdana Herêma Kurdistanê kiribû. Di derxistina biryara 668’an a encûmena ewlehiyê ya ji bo avakirina herêmek aram ji bo Herêma Kurdistanê de xwedî rolek giring bû. Di 22’yê Mijdara 2011’an de li Parîsê di temenê xwe yê 87 salî de koça dawî kir.
(kş)
