Dezgeha Paratina Şaristaniyê ya îdareya Soran ragihand ku jina ku di Robarê Çoman de hewlda zaroka xwe ya ketî robar de rizgar bike xeniqî. Ji aliyê welatiyên nêzî robar ve cenazeyê wê hate derxistin û zarok jî hate rizgarkirin.
Li gorî daxuyaniya Rêveberiya Dezgeha Paratina Şaristaniyê ya îdareya Soran duh êvarî li ser agahiyek ya li Robarê Çoman bûyerek a xeniqînê heye tîmên Parastina Soran gihiştin cihê bûyerê û wiha tê gotin: “Cenazeyê qurbaniyê ji aliyê welatiyan ve hatibû derxistin. Jina xeniqî eslê xwe Erebe û bi navê Fiza Elî Nasire (43) ku nîştecihê Ranya bû. Bi mebesta geştyariyê bi kesukarên xwe re hatibû vê herêmê.”
Li gorî daxuyaniyê, dema zaroka wê jinê dikeve nava Robarê Çoman, ji bo zaroka xwe rizgar bike xwe davêje nava robar. Lê nikare, di xeniqe û zarok jî rizgar dibe.
Dezgeha Paratina Şaristaniyê ya îdareya Soran ragihand ku ji serê salê heta niha 7 welatî li robarên li Soran xeniqîne.
(fk)
