Dayîkên Qendîlê berxwedana dayîkên xavik spî silav kirin

Dayîkên Qendîlê bi boneya rasthatina salvegera şehîdbûna jina berxwedêr a Kurd Leyla Qasim axivîn û diyar kirin ku ewê timî rêya wan bişopînin û piştgirî dan berxwedana dayîkên xavik spî yên Bakurê Kurdistanê ya ji bo piştgiriya zarokên xwe yên li dijî tecrîdê di berxwedanê de ne.


Jinên Binarê Qendîlê  têkildarî kesayet û têkoşîna jina Kurd a ji aliyê rejîma Baas a Sedam ve hatibû darvekirin Leyla Qasim û berxwedana îro dibin pêşengiya Leylayan de li Bakurê Kurdistanê dewam dike û têkoşîna dayîkên xavik spî de axivîn.

Dayê Eyşê ya ji Binarê Qendîlê diyar kir Leyla Qasim jinek Kurdperwer û şoreşger bû ku li djÎ sîstema desthilatdar a Sedam serî hilda û got, “Leyla Qasim jineke şoreşger û Kurdperwer bû, serî li ber rejîma Sedam ne tewand. Ji ber bêdengiyê qebûl nekir û serî hilda hate darvekirin. Lê ji ber serî ne tewand û di oxira fikrên xwede çû ber benê sêdarê, serbililnd û şanaz bû.”

Dayê Eyşê dazanîn ku herçend Leyla Qasim hatibe darvekirin jî ti car Leyla li Kurdistanê xilas nebûne û wiha axivî, “IIro bi hezaran Leyla li çar parçeyên Kurdistanê û li serê çiyan têdikoşin. Nimûneya vê ya herî berçav jî Leyla Guven e.”

Dayê Eyşê berxwedana dayîkên xavik spî yên Bakurê Kurdistanê jî bi vê boneyê silav kir û wiha pêde çû, “Ez berxwedana dayîkên Bakurê Kurdistanê silav dikim û piştgiriyê didim wan. Her wiha ez destdirêjiya polîsên Tirk jî şermezezar dikim û ji wana re dibêjim ku wê ev hovîtiya wan bê bersiv nemîn.”

Jina bi navê  Estî Mihemed Ebdûlah jî Leyla Qasim bi bîranî û diyar kir ku Leyla Qasim ji bo mafê Kurdan biparêze li dijî rejîma Sedam serî hilda. Estî daxuyakirin ku têkoşîna Leyla Qasim hîn jî li Kurdistanê berdewame û niha bi sedan Leylayên Kurd li zîndanan li berxwe didin.

Estî jî berxwedana dayîkên xavik spî yên Bakurê Kurdistanê bi bîr xist û axaftina xwe bi van gotinan bi dawî kir, “Em weke jinên Qendîlê piştgirî didin dayikên Bakurê Kurdistanê û tekoşîna wan silav dikin. her wiha em êrîşên polîsên dewleta Tirk jî şermezar û lanet dikin.”

(bz)