Li bajarê Silêmaniyê panelek li ser wekheviya navbera jin û zilaman de hate dayîn.
Li otêla Haî Kirêst ya li bajarê Silêmaniyê, Rêveberiya Giştî ya Çavdêriya Civakê, derbarê bandora wekheviya zayendî de, panelek da.
Di panelê de mamostaya zanîngehê Taban Mihemed behsa cûdahiya di navbera zilam û jinan dekir û got; “Cûdahiya ku civak dike, ne cûdahî û taybetmendiyek biyolojîne. Em weke jin hatine ser rûyê vê cîhanê û emê weke jin jî bijîn. Lê ev nayê wê wateyê ku ji ber ku em jinin, wê mafên me werin binpêkirin.”
Mamosta Cotyar Fetah jî da zanîn ku wekheviya di navbera zilam û jinan de, divê di kar de jî were dîtin. Ji ber ku cûdahî heye û niha behsa rêgeza sêyem jî tê kirin.
Yek ji amadekara panelê Arezû Xefur derbarê armanca lidarxistina panelê de axivî û got; “Di rêveberiya me de wekheviya zayendî heye, em ji bo ev pêkwere jî kar dikin. Divê wekheviya zayendî li ber çavan were girtin, armanca me bi vê panelê ewe ku em bizanin rola wekheviyê ya zayendî çiye.”
