Rêveberiya Rêxistina Têkoşîna li Dijî Şîdeta Beramberî Jin û Malbatê ya Silêmaniyê ragihand ku jineke 25 salî ku ji aliyê birayên xwe ve di mala xwe de hatibû girtin û êşkencekirin ji aliyên tîmên wan ve hate rizgarkirin.
Rêveberiya Rêxistina Têkoşîna li Dijî Şîdeta Beramberî Jin û Malbatê ya Silêmaniyê bi daxuyaniyekê ragihand ku duh li ser agahiyekê ku jinek bi navê (Ş-M-M) a 25 salî ji aliyê birayên xwe ve di mal de hatiye girtin û êşkence kirin, tîmên wan gihiştine cihê bûyerê.
Her wiha hate ragihandin ku jina hatî êşkencekirin hat rizgarkirine û gilî hatiye kirin, birayên wê hatin binçavkirin û jina ciwan jî ji bo girtina rapora dixtor rakirin nexweşxaneyê.
Herî dawî hat destnîşankirin ku lêpirsîn li ser bûyerê hatiye destpêkirin û lêkolîn hîna berdewam e.
(fk)
