Komîteya Çand û Hunerê ya Jinên Başûr di salvegera şehadeta Şehîd Mizgîn de tevahî şehîdên meha Gulanê bi bîranîn û diyar kir ku Hozan Mizgîn bi hunera xwe jiyanek nû afirand û got: “Bi hezaran fermandar û hunermendên jin li ser rêya Hozan Mizgin ji bo azadiyê dimeşin.”
Komîteya Çand û Huner ya Jinên Başûr di 30’emîn salvegera şehadeta Şehîd Hozan Mizgîn de li ser şehîdên 11’ê Gulanê, Şehîd Mizgîn, Heqî Karer, Mihemed Karasungur û Îbrahîm Bîlgîn peyamek belav kir. Di peyamê de hat ragihandin ku meha Gulanê, meha şehîd û destanên qehremantiyê ye û wiha hat domandin: “Şehîdên şoreşê meha Gulanê bi xwîna xwe av dane û bi xwîna xwe jiyanek nû afirandine. Di salvegera şehadeta Şoreşger Hozan Mizgîn de tevahî şehîdên şoreşê bibîrtînin. Di dîroka têkoşîna me de ji bo azadiyê gelek qehremanên mezin şehîd ketine. Şehadeta Şehîd Hozan Mizgîn, Heqî Karer, Mihemed Karasungur û Îbrahîm Bîlgîn wiha kirin ku ev meh ji bo Kurdistanê bibe bingehê jiyaneke nû.”
Di berdewamiya peyamê de wiha tê gotin: “Di 11’ê Gulana sala 1992’yan de Hozan Mizgîn bi qehremantiyek mezin di nava şerek dijwar de şehîd ketiye. Hozan Mizgîn li beramberî rastiya mirovatiyê ji çanda, ziman, dîrok û welatê xwe xerîb bû, lê li beramberî vê bi çanda xwe ji bo xaka xwe û yekgirtinê têkoşîn dikir. Heman demê de Hozan Mizgîn bû kesyetek pêşeng û wek hunermendek li çand û hunera xwe xwedî derket. Girêdanbûna bi azadiyê ve û berxwedaniyê di kesayeta xwe de da pêş.”
Komîteya Çand û Hunerê ya Jinên Başûr diyar kir ku li beramberî qirkirina çandî seknekî dîrokî bû û wiha didome: “Di vê rojê de, helbest, stran û dengbêjiyên li ser Kurdistanê tên vehunandin nîşaneya rêheval Mizgîn li ser heye. Bi şerê xwe yê li beramberî dagirkeran huner afirand, bi hezaran jin bi navê Mizgîn ber bi azadiyê diçin. Di kesayetiya Hozan Mizgîn fermandariya şer û hunera azadiyê mezin dikin.”
Komîteya Çand û Hunerê ya Jinên Başûr herî dawî bang li jinên rewşenbîr û jinên hunermend ên Başûrê Kurdistanê kir ku bi boneya 11’ê Gulanê salvegera şehadeta Hozan Mizgîn bibin deng û nûnerê jiyanek azad û li beramberî dagirkeriya li ser hunera wan tê kirin têbikoşîn û wiha tîne ziman: “Huner bi têkoşînê geştir dibe, bi wê soza ku me daye ku guhertina jiyanek nû bi dest bixîn, herwiha hînê civakbûnê damezirînin.”
(ab)
