Li navçeya Kelar a Germiyan di çarçoveya Pêngava 16 rojî ya têkoşîna dijî şîdeta li ser jinan de, rêxistinek nû ya jinan bi navê “Rêxistina Şox a ji bo girîngîdana hêzan jinan” hate damezirandin. Wê ev rêxistin kar li ser hêz û şiyarkirina kesan li ser şîdeta dijî jinan, kar bike.
Li navçeya Kelar a Germiyan îro bi tevlîbûna gelek kesan di çarçoveya Pêngava 16 rojî ya têkoşîna dijî şîdeta li ser jinan de, rêxistinek nû ya jinan bi navê “Rêxistina Şox ji bo girîngîdana hêzan jinan” hate damezirandin. Ev rêxistin ser bi Mekteba Rêxistinên Demokratîk e.
Rêveberiya rêxistinê Heyfe Mecîd ji Rojnews’ê re axivî û got: “Îro bi tevîbûna welatiyên Germiyan me rêxistina xwe damezirand. Me xebatkarên çalak hene. Armanca vê rêxistinê ji bo diyarkirina hêza jinan û berhemên wane. Ji bo xizmetkirina jinan e. Ser bi Mekteba Rêxistinên Demokratîke.”
Rêveberiya rêxistinê Heyfe Mecîd wiha domand: “Wê li seranserî Herêma Kurdistanê çalakiyan bike. Li gorî rêzikname û bernameya rêxistinê çalakiyên me ji semîner, panel û çalakiyên rengaregn pêk tê. Wê çalakiyên me ji bo hişyarina herdu zayendan be.”
(ab)
