Li 2 gundên Binarê Qendîlê şoreşgerên jin Sakîn, Fîdan û Leyla hatin bi bîr anîn.
Yek ji damezirînera Partiya Karkerên Kurdistan PKK’ê Sakîne Cansiz (Sara), Nûnera KNK’ê ya Parîsê Fîdan Dogan (Rojbîn) û Endama Tevgera Ciwanên Kurd Leyla Şaylemez (Ronahî) di 9’ê Çileya 2013’an de li navenda Parîsê hatin qetilkirin. Li seranserê Kurdistan û cîhanê jinên şoreşger bi çalakiyên cûda têne bibîr anîn.
Li gundên Alye Reş û Maredu yên Binarê Qendîlê, 3 jinên şoreşger hatin bi bîranîn. Li her dû gundan jî li ser jiyan û têkoşîna jinên şoreşger, sînevîzyon hatin nîşandan.
Di merasîma bîranînê ya li gundê Maredu de, endama RJAK’ê Şinyar Resul axivî û got; “Xebat û têkoşîna jinan li her çar beşên Kurdistanê di astek bilind de dewam dike. Tevgera Azadiya Kurdistanê bi şoreşgerên jin tên nasîn, îro jin li vê tevgerê xwedî derdikeve.”
Merasîmên bîranînê bi dirûşmeyên ‘Jin jiyan azadî’, ‘Bê Serok jiyan nabe’ bi dawî hatin.
(nr)
