Li Helebce şîdeta li dijî jinan û biryara Konseya Ewlehiyê ya Neteweyên Yekbûyî (NY) ya ji bo parastinan jinan hate guftûgokirin.
Rêxistina Lane ya Zarokên Kurdistanê vê êvarê di çarçoveya parastina mafên jinan de bi navê ‘Şîdeta li dijî jinan û biryara 1325’an a Konseya Ewlehiyê ya Neteweyên Yekbûyî’ li Navenda Ciwanên Helebce semînerek organîze kir.
Di semînerê de Parêzer Dêrîn Aso axivî û got: “Li gorî daneyan, li Herêma Kurdistanê herî zêde şîdeta derûnî li hemberî jinan tê kirin. Yek ji curên din ên şîdeta li hemberî jinan tê kirin, şîdeta zayendî ye.”
Parêzer Dêrîn Aso eşkere kir ku yek ji curên din ên şîdetê, şîdeta malbatî ye û wiha domand: “Weke mînak, hinek malbat hene, rê nadin jin serbixwe karê xwe bikin û bibin xwedî kar. Yan rê nadin bixwinin. Irf û edetên civakê wiha kiriye ku jin negihîn mafên xwe. Heta niha yasayên taybet ên mafên jinan biparêzin nîne. Tenê biryara 1325 a Konseya Ewlehiyê ya Neteweyên Yekbûyî ya bi navê jin, aştî û ewlehî de ye. Ev biryar di dema şeran de ji bo parastina jinane ku zêdetir rastî şîdetê tên.”
Li gorî daneyên rêxistinên mafên jinan, di nava 6 mehên borî de, li Herêma Kurdistanê 31 bûyerên xwekuştina jinan, 22 bûyerên qetilkirina jinan û 29 bûyerên xweşewitandina jinan hatine tomarkirin.
(ab)
