Li Silêmaniyê li dijî ji ber deyn de zewicandina zaroka 13 salî ya bi mêrek 41 salî re hejmarek rêxistinê jinan û çalakvanên Silêmaniyê nerazîbûn nîşan dan û ragihandin ku ji aliyê kesên hizbî be hewl tê dayin mijarê veşêr in.
Li bajaroka Herîr ya ser bi Hewlêrê zilamek temen 41 salî yê bi navê (M.N) ku pêşmergeye û 2 jinên din hene di beramber deyn de li gel zaroka temen 13 salî zewicî.
Li Parka Nalî ya Silêmanî li dijî zewicandina zaroka temen 13 salî rêxistinên jinan û çalakvanan çalakiyek lidar xistin.
Di çalakiyê de daxuyanî hate dayîn. Di çalakiyê de yek ji şopînerên mijarê aktîvîst Behar Munzîr daxuyanî da û ragihand ku tevî ku hinek kes dibêjin ev zewanc nehatiye kirin, lê li gorî şopandina wan, kesek li nêzî wî zilamî jêre ragihandiye ku raste zewac pêk hatiye û ew zarok roja Înê zewicandîne.
Behar Munzîr eşkere kir ku ji aliyê kesên hizbî ve hewl didin ku dosyayê veşêrin û ji bo veşartina dosyayên wiha piştgiriyê dikin.
Herwiha di çalakiyê de daxwaznameyek pêşkêşî Serokatiya Herêma Kurdistanê, hikûmeta Herêma Kurdistanê, Parlamentoya Herêma Kurdistanê û aliyên peywendîdar ên mafên jinan û zarokan kirin. Di daxwaznameyê de daxwaz kirin ku li hember bêdeng nebin û pêşiyê li bûyerên wiha bigirin û sûcdaran ceza bikin. Herwiha ji ragihandinê ji xwestin bûyerê bi hûrî lêkolîn bikin.
Ji berî çend rojan jî xwestin keçek 14 salî bidin mêrek 51 salî, lê ji ber zextên rêxistinên û torên civakî rawestandin.
(ab)
