Piştî windabûna 2 rojan a li derya di navbera Brîtanya û Fransayê de, agahiya mirina Baran cergê bav û dayika wê agir pê xist. Malbata wê got ku cergê wan şewitî û qedera Baran kûrahiya deryayê bû.
Di 25’ê Mijdarê de di navbera Fransa û Brîtanyayê de, di Kanala Îngîlîz de herî kêm 31 koçberan jiyana xwe ji dest dan. Federasyona Penaberan ya seranserê Iraq û Herêma Kurdistanê diyar kirîbû ku ji ber ku keştiya koçberan noqî avê bû, çarenûsa komek koçber nayê zanîn û heya niha cenazeyê 5 koçberan hatiye dîtin. Çarenûsa 26 kesên din jî nediyare. Federasyona Penaberan ya seranserê Iraq û Herêma Kurdistanê berpirsyartiya bûyerê xistû stûyê Fransa û Brîtanyayê de û eşkere kiribû ku piraniya kesên xeniqîne xelkê Herêma Kurdistanê ne.
Yek ji wan kesên ku di nava avê de xeniqî Baran a temen 24 salî bû. Piştî 27 rojan li Fransa ma, hewl da bigihî destgirtiyê xwe, lê nekarî bigihiyê û di rê de jiyana xwe ji dest da.
Baran Nurî xelkê gundê Dergelê ya Balekayetiye û şêniya Soran e. Di 22’yê Çile de nîşanî dibe û destgirtiyê wê nîştecihê Brîtanya ye. Di mehan de hewl dikeve li ser riya dijwar a Ewropa. Bêyî pirsgirêk digihî Fransa, lê Brîtanya ji bo hêsan nebû, nedikarî bi hêsanî xwe bigihîne Brîtanya. Destgirtiyê wê ji bo hewldanek zêde dike û ti riyan nabîne. Herî dawî Binar bi xwe biryar dide ku bi riya deryayê biçe û xwe bigihîne destgirtiyê xwe yê li Brîtanya. Ji şeva 23’yê Mijdarê de agahî jê qût dibin û piştî du rojan xizmên wê tên agahdarkirin ku Binar binav bûye û nekariye xwe bigihî destgirtiyê xwe.
Cenazeyê wê hîn li nexweşxaneya bajarê Kalas yê Fransayê dimîne, lê malbata wê li Soran ji bo tazî daniye û ev sê roj in berdewam dike.
Pismamê wê Taban Esed got: “Bûyerek bi bandor e. Me hewl da ku bi riyek selamet û tendurist bişînin Brîtanya, lê Binar nekarî ji vê zêdetir li bendê raweste. Êdî xwestek jiyana wê li otelên li cerga Fransa û Brîtanya derbas bibe. Me bi awayek fermî Binar şand Ewropa, lê ji ber ku vîzeya Brîtanya nebû, ji neçarî serî li riya din a Brîtanya daye. Destgirtiyê wê gelek hewl daye ku bi riya fermî bibe li gel xwe, lê hewldana wî bi serneket. Herî dawî cergê me şewitî û qedera Binar derya bû.”
Bavê Baran Nurî Heme Emîn bi dilek pir xemgîn bang li ciwanên her çar parçeyên Kurdistanê kir ku qet dest ji welatê xwe bernedin û berê xwe nedin welatên biyanî û got: “Li wir dar û beran bixwin ji vê yekê baştire ku pêşeroja xwe bêxin metirsiyê de û kes nezane çarenivîsa we çi bi ser de hat. Weke vê rewşa ku bi serê me de hat.”
Koça bi komî ya ciwan û welatên Herêma Kurdistanê ya ber bi Ewropa bi dehan trajedî û êş bi xwe re aniye. Her roj trajediyek ru dide û agahiyek nexweş digihî malbatekê. Ji bo malbatan jî dibe sedema xem û perîşaniyê.
(ab)
