RJAK’ê li Germiyan di çarçoveya çalakiyên ji bo 25’ê Mijdarê Roja Têkoşîna li hember Şideta li ser Jinê de, çalakiyek lidarxist. Di çalakiyê de hat gotin, êriş û tûndiya li ser jinê zêde bûye. Her wiha hat gotin, “Hinek car dîrok xwe dubare dike, çawan qetilkirina xwişkên Mîrabal bû sedema rûxîna desthilata dîkdator a Komara Domînîk, hêvîdarîn qetilkirina Jîna Emînî jî bibe sedema guhertinê li Îranê.”
Di saetên êvarê de li navçeya Kelar a Germiyanê Rêxistina Jinên Azad ên Kurdistan (RJAK) di çarçoveya çalakiyên ji bo 25’ê Mijdarê de çalakiyek li darxist.
Di çalakiyê de Endama RJAK a Germiyanê Suham Mehmud daxuyaniyek xwend, di daxuyaniyê de hat gotin ku roj bi roj ji ber zêdebûna alozî û şerên dewlet netewan li hemû Rojhilata Navîn û bi taybetî jî li Kurdistanê ti cihek aram nemaye. Ji ber vê rewşa ne aram jî êriş û tundiya li beramberî jinan zêde dibe.
Di beşek din a daxuyaniyê de hat gotin; “Hinek car dîrok xwe dubare dike, îro li Rojhilatê Kurdistan û Îranê gel piştî qetilkirina Jîna Emînî li beramberî hişmendiya dîkdator a Îranê têkoşîn dike. Hêvîdarîn çawan qetilkirina xwişkên Mîrabal bû sedema rûxîna desthilata dîkdator a Komara Domînîk, qetilkirina Jîna Emînî jî bibe sedema guhertinê li Îranê.”
(kş)
