KURDISTAN

Hemû Nûçe

  • Koma 34’emîn çalakiya Silêmaniyê dewr girt 

    Çalakiya greva birçîbûnê ya Silêmanî ku li dijî tecrîda li ser Rêberê PKK’ê Abdullah Ocalan û bi armanca piştgiriya Leyla Guven hatiye destpêkirin di roja 66’an de ye. Çalakî ji aliyê koma 34'an ve hat dewr girtin.
  • Goran lihevkirina bi PDK’ê re pejirand 

    Civata Nîştimanî ya Tevgera Goran di derbarê li hevkirina bi PDK’ê re, biryara xwe ya dawî da. Tevgera Goran got ku wana lihevkirina bi PDK’ê re pejirandiye.
  • PADÊ bi xelkê Xanesorê re civiya 

    Partiya Azadî û Demokratîk ya Êzidiyan (PADÊ) di derbarê pêvajo û rewşa Êzidiyan de ji xelkê Xanesorê re civînek lidarxist. Di civînê de hat gotin ku divê Êzidî dibin sêwanekê de kom bibin û yekitiya xwe avabikin.  
  • Meclîsa bajarokê Guhbel hat avakirin 

    Yekemîn Konferansa bajarokê Guhbel a ser bi Şengalê hat lidarxistin. Di konferansê de Meclîsa Gel a bajarokê Guhbel hat avakirin.
  • Di roja dawî de dinavbera PDK û YNK’ê de nakokî 

    Lihevkirina dinavbera PDK û YNK’ê de nehat îmze kirin. Yek ji endamê rêveberiya YNK’ê got ku ger YNK sibe tevlî civîna parlamentoyê nebe, wê hemû lihevkirinên bi PDK’ê re werin hilweşandin û civîna Meclîsa Kerkûkê jî neyê lidarxistin.
  • ‘Divê em ciwanên li Şêladizê dijî dagirkeriyê rabûyîn ji bîr nekin’ 

    Li Silêmaniyê ji şehîdên 17’ê Sibat merasîmek bîranînê hat lidarxistin. Di merasîmê hate gotin ku divê kesên li herêma Behdînanê hatîn binçavkirin, di demek zû de werin berdan. Herwiha hat diyarkirin ku pêwîste di vê rojê de ciwanên Şêladizê neyên ji bîr kirin.
  • Şêrwan Şêrwanî sewqî Asayîşa Dihokê kirin 

    Şêrwan Şêrwanî yê ku bi madeya 156 a cezayê Iraqê tê sûcdarkirin ji Girtîgeha Zerka sewqî Asayîşa Dihokê kirin.
  • Li Behdînanê lîstikên nû 

    Lîstikên MÎT’a Tirk û PDK’ê yên li herêma Behdînanê bi şêweyên cûda berdewam dikin. Niha jî derket ku ji bo Tevgera Azadiya Kurdistanê li nava gelê Başûr de reş bikin, tîmên kontra yên biçûk rêxistinkirine.
  • Dadwer daxwaza berdana 3 çalakvanên Behdînan red kir 

    Dadwerê Dadgeha Dihokê biryara berdana 3 binçavkiriyên Behdînan da, lê tevî hewildanên parêzeran dadwer bi behaneya lêkolîna di derbarê sê binçavkiriyên de berdewam dike, neberdan. 13 kesên din jî yên ku li dervey Dihokê hatibûn binçavkirin hîn di girtîgeha Zerka de dimînin.
  • Kolberek din hate kuştin 

    Li ser sînorê di navbera Başûrê Kurdistanê û Rojhilatê Kurdistanê de ji aliyê hêzên rejîma Îranê ve kolberek hate kuştin. Li Pîranşarê jî yek birîndar bû.
  • Federasyona Rêxistinên Civaka Sivîl xwest çalakvanê Behdînan werin berdan 

    Federasyona Rêxistinên Civaka Sivîl daxwaznameyek pêşkêşî ofîsa Parlamentoya Herêma Kurdistanê ya Silêmaniyê kir û daxwaz kir ku çalakvan û rojnamegerên ku li Behdînan hate binçavkirin werin berdan.
  • Berxwedana li Hewlêrê ya li dijî tecrîdê didome 

    Greva birçîbûnê ya li Nûnertiya HDP'ê ya li Hewlêrê di roja 89'an de ji aliyê komek nû ve hate dewir girtin. Çalakgeran eşkere kirin ku heta ku tecrîd bi dawî nebe, wê çalakiya wan berdewam bike.
  • KCK'ê ji malbata Mela Abdulkerîm Şarbajarî re sersaxî xwest 

    KCK'ê ji ber wefata Mela Abdulkerîm Şarbajarî, sersaxî ji malbatê, alimên Kurdistanê û gelê Kurdistanê re sersaxî xwest. Di peyamê de hate gotin, "Em bang li gelê me bi taybetî alimên Kurdistanê dikin ku xwedî li vê ked û nêrînê derkevin."
  • 'PDK  raziye  ku ji %12’ê wezîfan bide Tevgera Goran' 

    Parlamenterê Tevgera Goran ê li Parlamentoya Herêma Kurdistanê Belên Îsmaîl ragihand ku PDK di civîna duh ya li gel tevgera wan de razîbûye ku ji % 12’ê wezîfên Hikûmetê bide Tevgera Goran.
  • Tevgera Nifşê Nû wê sibe beşdarî civîna parlamentoyê bibe 

    Koma Tevgera Nifşê Nû (Neweyê Niwê) eşkere kir ku wê sibe beşdarî civîna Parlamentoya Herêma Kurdistanê bibe.
  • Li Silêmanî şehîdên 17'ê Sibatê hatin bibîranîn 

    Li Goristana Şehîd Rêjwan ya Girê Seywan a Silêmanî, bi merasîmek şehîdên 17'ê Sibatê hatin bibîranîn.
  • Berxwedana li Mexmûrê di roja 64'an de didome 

    Çalakiya greva birçîbûnê ya li Wargeha Penaberan a Şehîd Rûstem Cûdî (Mexmûrê) ku di 16’ê Kanûnê de li dijî tecrîda girankirî ya li ser Rêberê PKK’ê Abdullah Ocalan hatî destpêkirin, koma 22’emîn dewir girt.
  • Dibistanên Mexmûrê vebûn 

    Li  Wargeha Penabaran a Şehîd Rûstem Cûdî (Mexmûr) betlaneya 15 rojî ya dibistan bi dawî bû û xwendekaran bi kelecan îro berê xwe dan dibistanan.  
  • 'Divê çalakiyên li dijî dagirkeriya dewleta Tirk berfireh bibin' 

    Nerazîbûnên lidijî dagirkeriya artêşa Tirk a li ser xaka Başûrê Kurdistanê berdewam dikin. Aktivîstek yê Silêmanî got: "Ger yasa heba, diviya bû serokê hikûmeta Herêma Kurdistan ji ber anîna dagirkeran li ser xaka Başûrê Kurdistanê bihatiba dadgehkirin. Divê çalakî li dijî dagirkeriya dewleta Tirk belavî hemû deverên Herêma Kurdistanê bibin."
  • 12 tor û hevpeymaniyan ji bo çalakvanên Behdînan banga azadiyê kirin 

    12 tor û hevpeymaniyên Iraqê bi daxuyaniyek hevbeş banga berdana çalakvan û rojnamegerên ku li herêma Behdînan ji ber raperîna gel a li dijî dagirkeriyê hatine binçavkirin, kirin û gotin; "Li gorî me yên ku çalakgeran digirin binpêkerên mafên destûrî ne. Ew jî mafê xwepêşandanan e."
  • Dr. Mehmûd Osman: Dema wê hatiye ku civaka navnetewî zextê li Tirkiyeyê bike 

    Siyasetmedarê Kurd Dr. Mehmûd Osman diyar kir ku dema wê ye ku civaka navneteweyî ji bo aştî û diyaloga li gel Kurdan zextan li Enqereyê bike.
  • Wesîyeta Şehîd Sîrwan ji bo gelê Başûr  

    Sîrwan Rauf ku li dijî komploya navnetewî ya li dijî Rêberê PKK’ê Abdullah Ocalan, di 17’ê Sibata 1999’an de agir berda bedena xwe û şehîd bû, bang li gelê Başûrê Kurdistanê kiribû û gotibû: “Ez weke hûnermendek wênekêş xwedî hestek netewî me. bi dîlgirtina Rêberek Kurd gelek di êşim. Ji bo vê ez dixwazim hemû Kurd bi taybet xelkê Başûrê Kurdistanê li hemberî zilm û zordariya li ser Kurdên Bakur bêdeng nemînin. Herwiha bila li dijî komploya navnetewî ya li dijî Abdulah Ocalan xwedî helwest bin. Ez bi çalakiya xwe gelek kêfxweşim, ev karê min ê herî kême ku min ji bo gelê xwe kiriye.”
  • '17'ê Sibatê li Başûrê Kurdistanê çandek nerazîbûnan pêşxist’ 

    Xwepêşandan û nerazîbûnên 17'ê Sibata 2011'an bû dîrokek ji bo nîşandana nerazîbûnan li dijî zilm û ne wekheviyê. Herwiha bû bingehek ji bo xwepêşandan bi duv xwede bîne, mînaka herî diyar a vêjî serhildana xelkê Şêladiz a li hemberî baregehên leşkerî yên dewleta Tirk bû. Li gorî çavdêran 17'ê Sibat çandek ji bo nerazîbûnan li Başûrê Kurdistanê afirand.
  •  ‘Pêwîstiya Kurdan bi yekitiya siyasî û netewî heye’ 

    Welatiyên herêma Soran qala giringiya lidarxistina kongireya neteweyî ya kurdan kirin. Welatiyan diyar kirin ku Kurd dikarin bi yekitiya xwe destkeftiyên mezin bidest bixin û bigihin armanca xwe ku ev çend sedsale ji bo wê têkoşînê dikin.
  • Çalakgerên çar parçeyan bi riheke netewî li dijî tecrîdê radibin 

    Çalakiya greva birçîbûnê ya li Silêmaniyê berdewam dike. Çalakvanên li bajarê Silêmaniyê di greva birçîbunê de gotin ‘Bila em di kesayeta Rêber Ocalan de dawî li dagirkeriya li ser Kurdistanê bînin.’ Çalakvanan bang li Kurdan kir daku ji bo dawî li tecrîdê were, xwedî li daxwazên çalakvanên di greva birçîbunê de derbikevin.