2. Konferansa Komîteya Têkiliyên Derve ya Wargeha Penaberan a Şehîd Rûstem Cûdî ya Mexmûrê bi beşdariya hemû endaman destpêkir. Di axaftina vekirinê de hate gotin, ewê ji bo nasandina pergala xwe ya li ser fikrên Rêberê Gelê Kurd Abdullah Ocalan xebatên xwe mezin bikin.
2. Koneferansa Komîteya Têkiliyên Derve ya Wargeha Penaberan a Şehîd Rustem Cûdî ya Mexmûrê îro di saetên sibehê de li Mala Gel bi deqîqeyek rêzgirtin ji şehîdên têkoşîna azadiya Kurdistanê destpê kir. Konferans bi beşdariya hemû endamên komîteyê pêktê. Piştî rêzgirtinê Hevserokê Meclîsa Gel a Demokratîk ya Mexmûrê Yûsif Kara axaftina vekirinê kir.
Kara konferansê li hemû beşdarvanan pîroz kir û wiha axivî: “Ji bo em bikaribin ji Huseyîn, Navdar û Demhatan re bibin bersiv, bibin hêza mezinkirina tekoşînê, bibin hêza têkdana dijminê xwînmij em li vê derê kombûne. Ji bo em bikaribin xeyalên van şehîdan pêkbînin, divê em pergala xwe saz bikin. Di vê sîstemê de ji bo çareserkirina pirsgirêkên civakê, pêwîste em peywendiyên xwe yên bi derve re, bi dost û hevkaran re bihêztir bikin. Her wiha pergala Rêbertiyê û zêhniyeta ku pêşxistiye bi gelên Rojhilata Navîn û hemû gelên cîhanê û bi taybet jî gelê Kurd bidin nasîn.”
Piştî axaftina vekirinê dîwana rêveberina konferansê hate hilbijartin, perspektîfa Rêberê Gelê Kurd Abdullah Ocalan a derbarê dîplomasiya Kurd û peywendiyên gelên herêmê bihevre de hate xwendin. Piştî perspektîfê rapora xebatê ya 2 salan wê were xwendin û li ser nîqaş bêmeşandin.
Di konferansê de wê rewşa siyasî û xebatê jî bi berfirehî were nirxandin. Her wiha rêziknameya kar were destgirtin, plansazî û biryarên ji bo du salan de werin derxistin.
(xt/
