Aktîvîstên Hewlêrê diyar kirin ku gumana wan ji bêdengiya hikûmeta Herêma Kurdistanê ya li hemberî dagirkeriya Tirkiyeyê heye û got: “Hevkarî û nokeriya ji bo dagirkerên Kurdistanê tê wateya nexwediyê welatê xwe ne û xakê difiroş in dijmin.”
Li Herêma Kurdistanê nerazîbûnên li hemberî êrişên dewleta Tirk ên li ser xaka Herêma Kurdistanê berdewam diin.
Aktîvîstê Hewlêrê Hewrê Kurdî ji Rojnews’ê re axivî û got: “Dewleta Tirk dijmintiya xwe ya li hemberî gelê Kurd berdewam dike. Bi her awayî êriş dike li ser xaka Kurdistanê û çand û zimanê Kurdî têk dide. Lê, yekane hêza ku li dijî dagirkeriya dewleta Tirk derdikeve PKK ye ku dikare çand, ziman û welatê me biparêze.”
Hewrê Kurdî diyar kir ku bêdengiya hikûmeta Herêma Kurdistanê ya li hemberî êriş û leşkerkêşiya dewleta Tirk cihê gumanê ye, ji ber ku dewleta Tirk bi xwe diyar dike ku bi hevkariya dostên xwe êrişan dike û got: “Lê xaka me tê dagirkirin, hikûmet bêdenge. PDK’ê gelek caran şer li gel PKK’ê kiriye. Lewma di encama şerê Kurd bi Kurd de, tenê gelê Kurd zererê dibîne. Ev jî di sûdê dijmin de ye. Lewma pêwîste hemû xelk û alî li dijî şerê Kurd bi Kurd rawestin. Herwiha rê nedin şerê Kurd bi Kurd.”
Aktîvîst Rêbaz Mistefa bal kişand êrişên dewleta Tirk û got: “Li dijî derketina êriş û dagirkeriya dewleta Tirk erkek nîştimanî û exlaqî û mirovî ye. Divê hemû Kurd li dijî êrişên dewleta Tirk rabin. Ji ber ku dewleta Tirk xaka Kurdistanê topbaran dike û binesaziya aboriya me lawaz dike. Herwiha ji ber bombebarana artêşa Tirk xelk û gerîla şehîd dibin.”
Aktîvîst Rêbaz Mistefa wiha domand: “Ew aliyên ku hevkariyê pêşkêşî dagirkerên weke Tirkiyeyê dikin wê rûyê wan di nava xelkê de reş bibe. Wê timî rûreşî di nava çavê wan bimîne. Ji ber ku nokerîkirina ji bo dagirkerên Kurdistanê, tê wateya ew kesane nexwedî nîştiman in û xakê difiroşin dijmin.”
(ab)
