Xwendekarên Zanîngeha Silêmaniyê li dijî nedana xerciya mehane çalakî kirin, rê nedan mamoste derbasî nava zanîngehê bibin. Li navçeya Kelar a Germiyanê jî xwendekaran rêya sereke ya Kekar-Silêmaniyê girtin.
Nerazîbûnên xwendekarên zanîngeh û peymangehan ên li dijî nedana xerciya mehane ya xwendekaran berdewamin.
Xwendekarên Zanîngeha Silêmaniyê bi heman armancê li ber avahiya zanîngehê kombûn û daxwazên xwe anîn ziman. Xwendekaran wek nerazîbûn, deriyê ketina zanîngehê girtin û rê nedan mamosta derbasî nava avahiya zanîngehê bibin.
Li navçeya Kelar a Germiyanê jî bi heman armancê xwendekarên zanîngeh û peymangehê li ser cadeya Kelar-Silêmaniyê kombûn û rê ji çûnûhatinê re girtin.
Hêjayî gotinê ye, ji sala 2015’an ve Hikûmeta Herêma Kurdistanê xerciya mehane ya xwendekaran nade. Wê demê mehane ji bo xwendekarên mala wan li nava bajêr 40 hezar û xwendekarên mala wan ji dervey bajêr jî 100 hezar dînar dihat dayîn.
(kş)
