Cenazeyê Mihemez Zekî Çelebî yê di encama êrîşeke çekdarî de li Silêmaniyê jiyana xwe ji dest dabû û duh berbi Bakur ve hatibû oxirkirin, li Silopiyê ji aliyê parlementer û rêveberên HDP’ê ve hate pêşwazîkirin. Çelebî piştî rêkarên qanûnî yên Tiba Edlî wê berbi bajarê Wan’ê ve were oxirkirin.
17’ê Gulanê welatparêzê ji Bakurê Kurdistanê û xwediyê Restoranta Denîz li taxa Bextiyarî ya Silêmaniyê rastî êrîşeke çekdarî hatibû. Di encamê de giran birîndarbûbû û rojek piştre jî li nexweşxaneya Şar a Silêmaniyê jiyana xwe ji dest dabû. Duh li Silêmaniyê bi merasîmeke girseyî berbi Bakurê Kurdistanê ve hatibû oxirkirin.
Cenaze şevê din li gel şandeya HDP’ê ya ji Mûazez Orhan û Îmam Taşçier ve gihîşt bajarê Silopiya ya Bakurê Kurdistanê û ji aliyê parlementer û rêveberiya HDP’ê û BDP’ê ya herêma Botan’ê ve hate pêşwazîkirin. Paşê cenaze ji bo rêkarên qanûnî derbasê Tiba Edlî ya Silopiya hate kirin. Hate gotin, piştî rêkarên qanûnî temam bûn, wê berbi cihê lê jê dayîk bûye bajarê Wan’ê ve were oxirkirin.
Heya niha jî Hêzên Ewlekariya Herêma Kurdistanê kujerên Çelebî eşkere nekirine û têkildarî mijarê ti daxuyanî ne dayîne. Lê li gorî agahiyên çavkaniyeke taybet a ajansa me parvekiribû, kujer du kesin û xwe spartine Hewlêrê!
(bz)
