Çalakiya greva birçîbûnê ya li Wargeha Penabaran a Şehîd Rustem Cûdî (Mexmûr) di roja 172’an de ji aliyê koma 87’an ve hate dewirgirtin.
Li Wargeha Penabaran a Şehîd Rustem Cûdî (Mexmûr) greva birçîbûnê ya bi pêşengiya Meclîsa Îştarê li dijî tecrîda li ser Rêberê gelê Kurd Abdullah Ocalan hatî destpêkirin, di roja 172’an de didome. Çalakî ji aliyê koma 87’yan ve hate dewrgirtin.
Merasîma dewrgirtinê bi deqeyek rêzgirtina ji bo tevahî Şehîdên Tevgera Azadiya Kurdistanê destpê kir. Piştî rêzgirtinê li ser navê koma 86’an Xurbet Îşlek axivî û got: “Em di serî de vê çalakiyê li mîmarê azadiyê û yên ku dilê wan her roj ji bo azadiyê lêdide pîroz dikin. Her wiha em çalakiya girtiyên zindanan jî ji dil û can silav dikin. Ji 12’ê Îlona 2020’an û vir ve pêngava ‘Dem Dema azadiya Rêber Apo’ ye çalakî hatiye destpêkirin. Weke wargeh a ku ev 28 salên penaberî li pey xwe hiştî bi hemû çalakiyên xwe yên ku ji bo azadkirina Rêber Apo xwe li ser lingan girtiye. Bi destpêkirina pêngava ‘Dem Dema Azadiya Rêber Apo ye’ li Mexmûrê di bin pêşengtiya Meclîsa Îştar de di 18 Kanûran 2020’an de çalakya greva birçîbûnê hat destpêkirin. Armanca çalakiya me ji bo bi fîzîkî azadkirina Rêber Apo ye.”
Merasîma dewirgirtinê bi dirûşmeyên ‘Bijî Serok Apo’, ‘Bê Serok jiyan Nabe, Bijî Berxwedana Gêrîla’ , ‘Bijî Berxwedana Mexmûrê’ bi dawî bû.
(jp-xt)
